De Novas Directe : 06-01-99

CRESSON REJICE TOTE LE ACCUSATIONES

Commissario Edith Cresson veniva ante le Committee super le Empleo e le
Affaires Social pro facer un declaration super le allegationes de fraude
in le execution del programma Leonardo da Vinci.  Sra. Cresson explicava
al membros que le DG XXII, le DG XX e le UCLAF ha conducte investigationes
del programma.  "Usque al presente, necun fraude ha essite detecte, non
mesmo in le investigationes per le UCLAF," diceva Sra. Cresson. Ni ha il
alcun evidentia de maladministration seriose que poterea justificar
mesuras radical tal como le ruptura del contracto con le Bureau
del Assistentia Technic (BAT) o le dimission del Director responsabile.
Le programma ha functionate ben," assecurava Sra. Cresson.

Sra. Cresson equalmente rejiceva tote le accusationes del mal procedura
de selection de projectos pro le programma Leonardo.  Illa ha facite
rememorar le europarlamentarios que illa es responsabile politicamente
pro le continuation del programma Leonardo.  Illa diceva que il ha
necun ration a questionar toto solmente un anno ante le fin del contracto
con BAT.  Le Commission jam ha fortificate controlo de BAT e le
evalutation final del programma Leonardo essera conducte solmente per
un corpore externe secundo le Decision del Consilio.

Le membros del committee esseva caute in lor prime commentos proque le
majoritate de illes non habeva alcun opportunitate a devenir currente
con le documentos relevante.  Totevia, illes exprimeva lor preoccupation
con le futuro del programma Leonardo e faceva emphase que le affair
debe esser investigate in un maniera proprie.

Le presidente del Committee, Sr. Stephen Hughes (PES,UK) sublineava
que le scopo del reunion esseva a aperir le debatto.  Discussiones plus
profunde inter le Committee e Sra. Cresson va tener se le septimana
proxime in Strasbourg.

(Traducite per Stanley Mulaik)