Edo Neilson scribeva:

>>>>>
Ecce un puncto multe interessante. Io questiona an le linguas russo e germano ha
 vermente ludate un rolo qualcunque. Esque existe parolas qui ha state includite
 a causa de su apparition en germano e russo? Io pote pensar de un parola de ori
gine francese que appare in le russo (e in Interlingua) - chantage. Ma io non es
 certe in re cognatos in le altere linguas romanic. Esque le inclusion de iste p
arola per exemplo depende de su existentia en le russo e/o in le germano? Ha alt
ere casos similar?

Edo Neilson
>>>>>

"chantage" existe equalmente in anglese.  Assi io es secure que "chantage"
es un parola international in le vocabulario de interlingua.  Illo non es in
le Interlingua-Anglese Dictionario, mais Piet Cleij lo lista in su
Lista Supplementari como "chantage".

Io opina que le exemplo non es apte, proque mesmo le espaniol "chantaje"
"chantajear", "chantajista" existe, facente sufficiente que isto es
international mesmo secundo regulas fundamental.

Le parola "blocada" se debe solmente a anglese, germano e russo.  Totevia
in iste caso il habeva necun tres variantes in le linguas contribuente,
fortiante un examination del germano e russo.

Mais le possibilitate ancora existe que nos va trovar parolas commun
solmente al francese, germano e russo.  Le francese ha habite un major
influentia super iste linguas.  In le prime parte del 19me seculo, le
majoritate del classe medie in Germania parlava francese, mesmo a casa.
Francia esseva le pais a que le juvene intellectuales russe obteniva lor
educationes in le 19me seculo.

Stan Mulaik