Ecce ancora mi pensatas super le divulgation de interlingua (io sempre oblida alicunes, le quales reveni in le capite legente p. ex. le littera private de Stan Mulaik a me).
Naturalmente il es quasi evidente per se ipse, que on debe propagar interlingua in discussiones interretiari, in foros electronic in linguas national. Involver se in discussiones linguistic, cercar topicos tractante questiones de inseniamento de linguas, etc.
Presentar interlingua pro intellectuales - pro exemplo inseniantes de linguas in scholas general (forsan un, o alicunos de illes facerea /un/ "gruppo/s/ professional pro infantes post le inseniamento", a postmeridie - io non sape, como a dicer isto in interlingua, in le hungaro il es 'szakkör' - 'Fachrunde' forsan in le germano); apportar brochuras, foliettas de propaganda in salas de inseniantes (maestros) in scholas general e medie (non dar los directemente al infantes).
Ubique il ha jornales regional e urban, le quales offere possibilitate gratuite (o de bon mercato) facer apparer annuncios in diverse themas (vender autos, comprar casas, cambiar antiquitates, etc. e anque: inseniar, o preciar e reciper adjuta in apprender linguas...). In tal librettos e jornales il ha sempre annuncios de scholas de linguas, bureaus de traduction e interpretation. Proque non involver, immiscer interlingua in alicun maniera inter iste annuncios? In mi urbe pro exemplo il ha sempre un publication annual, in qual on pote trovar servicios in diverse cosas utile al urbanos, quando illes ha problemas, alique debe esser reparate, o on vole viagiar, apprender lingua, o il es necesse un traduction pro illes, o vole solmente amusar se. In illo on pote pagar reclamos con designos, illustrationes anque. Assi in alique modo anque tales super interlingua...?
Le esperantistas face pro exemplo, que illes paga, pro que un version de esperanto appare in le libro telephonic regional (io non sape, esque isto debe esser facite in cata contato apartemente, o ordinar le version un vice pro facer apparer los in cata libro telephonic in le tote pais) continente le breve informationes pro estranieros necessari pro facer un appellata telephonic in Hungaria, etc... Proque illes pensa, que esperanto es tanto international... MA QUANTO PLUS INTERNATIONAL ES INTERLINGUA justo IN ISTE SITUATION?! Un tal version in vice de esperanto esserea comprensibile pro multes al prime vista (io scribeva: in vice del version in esperanto, proque io ha vidite, que il ha solmente duo paginas pro breve informationes in linguas non-hungare, dunque le loco es pauc), tanto plus, proque il non ha loco pro cata lingua romanic (portugese, espaniol, italiano, etc.) ibi...
Péter Kovács
Hungaria
http://www.extra.hu/kovicsan (/intindex.htm)
http://kovacspeter.blogspot.com
interlingua-at-freeweb.hu
ICQ: Shoshoj (165201338)
Telephono portabile (SMS): +36-30-36-25-011
Telephono a casa: +36-92-325-490
Projecto: http://interlingua.freeweb.hu
|
