Car amicos e amicas

P. Cleij ha scribite:

>> Benque le regulamento del lista INTERLNG non interdice discussiones super
>> subjectos (inter)linguistic, io opina que in le ultime tempore il ha in
>> illo un troppo grande numero de messages que tracta tal themas. Io time
que
>> il existe le grande risco que le longe series de messages super themas
>> interlinguistic in le quales on mastica infinitemente le mesme cosas, va
>> enoiar e finalmente chassar un parte del participantes del lista. Pro
>> evitar desertiones possibile io propone de novo que post le presentation
de
>> un thema interlinguistic e un curte discussion super illo in le lista
>> INTERLNG, nos lo continua in le coollist, le lista del ver interessatos e
>> specialistas de subjectos interlinguistic

Io es de accordo. Discussiones linguistic deberea ocurrer in le coollist.

Visto que le thema del parolas grammatic e le formas collateral es si
popular e persistente, io crede que un summario de omne argumentos pro le
latinismos e pro le formas romanic, serea multo util. De plus, iste articulo
deberea esser ponite in le sito de UMI.

Assi, si un nove interessato arriva in iste lista, e pone un question re le
parolas grammatic o le formas collateral, on poterea simplemente responder
con le URL e le message: 'Ecce un articulo interessante re iste thema. Lege
lo e face vostre proprie decision. Vos es libere a elegir le parolas in le
IED que place a vos.'

Nos poterea crear iste articulo insimul in le coollist. An iste idea
interessa a alicuno?

cordialmente
Adrian