Iste vespere io telespectava un programma de Television Public
(PBS) producite per NOVA super Venetia.  Illo da un multo
detaliate conto super le problemas del 'alte aqua'.  Le problema
es que Venetia es constructe super insulas in un palude al nivello
del mar.  Le mar mesme lentemente se leva.  Alora quando le marea
alte veni isto equalmente leva le aquas in Venetia.  Finalmente
quando tempestas al sud in le Adriatico produce ventos verso le
nord, isto pelle le mar verso Venetia e produce le aqua alte.
Le Venetianos ora debe usar bottas de gumma pro ambular per le
aqua, mesmo in le prime nivello de lor casas multe vices durante
le anno.  Il ha multe propositiones pro meliorar le situation, toto
multo car.  Il ha un plano a bloccar le mar per construer muros
que va levar se del fundo del laguna al entrata al laguna quando
le aqua alte veni.  Il non es certe que isto va functionar ben
si le mar continua levar se per tote le mundo como un consequentia
del calification global.  Alcunos crede que restringer le
passages per le dica al entrata al laguna va functionar ben e
sia minus car in moneta.  Alteres indica que isto ja non va
functionar ben e pote reducer le exfluentia de fluvios al mar
e producer plus polution in le laguna.  Un major problema es le
indecision del politicos, proque le planos ha essite cognoscite
durante multe annos.  In le iterim le mar se leva lentemente cata
anno, e hodie le fundationes del edificios se deteriora.  Usque
ora io non ha cognoscite le existentia de un tal grado de inundation
in Venetia.  Le citate hodie ha solmente 70.000 habitantes.  Le
aqua per le qual le habitantes e visitores ambula es contaminate.
Io esserea anxie super le sanitate public de tal conditiones.

Que pote tu dicer super isto, Mario?

Stan


Stan Mulaik