Kjell scribeva:
"Nostre radio national tranmitteva un programma in re iste association que
es contra le controllo de armas a foco. Un question que io me ha facite es:
In quanto es iste frequente uso de armas un effecto del pictura del
societate livrate per le medios massive?"

   Kjell ha ration - iste association e su presidente sovente ha declarate
que iste pictura es livrate per un "liberal media elite," un elite liberal
que controlla le medios massive.  Tamen, io ha lecte iste novas in le
section "National Briefs" (Novas National) del Boston Globe, un specie de
Siberia jornalistic in qual il es exiliate novas de exoperos industrial in
Sheboygan e altere novas del genere (esseva situate su le pagine A35, si io
recorda bene).
   Il esseva in iste section, ante un anno, que io legeva le novas de un
juvene que occide su madre - ille la fusilava sex vices in su facie depost
illa le demandava a nettar su camera - in mi urbe, Ocean Township, un urbe
parvissime in le stato de New Jersey.  Iste juvene esseva un studente de MI
madre, qui insenia studentes con incapacitates, et physical et emotional.
   Io spera que vos comprende que iste problema me colpa seriemente.  Si io
pertineva a iste "liberal media elite," sin dubita io publicarea iste novas
al pagine prime.

________________________________________________________________________
Get Your Private, Free E-mail from MSN Hotmail at http://www.hotmail.com