Car Amicas e Amicos,

un rapide contribution re vamos, anque si io non ha prestate un bon
attention a vostre messages precedente.

In Castellina (Interlingua lingua international, principios de base,
grammatica, vocabulario italiano-interlingua, subsidio pro le uso, per
Paolo Castellina con Hugo Pellegrini e Tazio Carlevaro - Union Interlingua
de Helvetia anno 1991) que es mi biblia pro interlingua, io trova que pro
formar le modo imperative del verbo, on debe utilisar:
a - le presente del modo indicative, private del pronomine personal subjecto:
canta! veni! vade! o va!
b - le forma de politessa es:
vole ben (cantar, venir, et cetera)
c - Pro le prime persona plural (nos) on pote usar (1):
vamos, per exemplo: vamos scriber!
d - Pro tote le altere personas on se servi de un periphrase con que...,
per exemplo:
que ille veni;
que tu nomine sia santificate.

Usar in italiano le correspondente de vamos es emplear mal le italiano.
Le modo imperative, tempore presente de vader, in italiano face:
va, va', vai tu > i-a vade!, va!
vada [va'da] egli > i-a que ille vade/va
andiamo [andia'mo] noi > vamos ir, alteremente vamos vader, uhm!
andate [anda'te] voi > que vos vade/va
vadano [va'dano] essi > que illes vade/va

(1) in le IED nos trova [vamos] (va-) pr 1me pers pl of vader.
IED e Castellina concorda. Ma sol in le IED io trova anque 'auxiliary,
forming the future or immediate future'. In Castellina pro le immediate
futuro, o futuro proxime on usa vader, abbreviate in va, per expemplo nos
va prender, pro nos prendera tosto, o nos es preste a prender.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com

Lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]