Car amicos,
per favor visita mi pagina home http://www.naz.com/personal/interlng.
Il ha multe novitates:
1) un radical renovamento graphic (uso de tabulas)
2) INTERLINGUA PARLATE. Io insereva un fila de 500 KB in le qual io
legeva un conto in Interlingua. Pro audir illo vos debe discargar super
vostre computator un reproductor REALAUDIO (connection includite). Isto
es un experimento. Dice me si illo functiona... Io reproduce hic le
pagina con le instructiones. Car salutes. Paolo.
Novitates
Audir Interlingua per Internet
Io produceva como essayo un fila parlate in Interlingua audibile per un
reproductor Real Audio, discargabile gratuitemente ex iste sito ...
Io seligeva le systema Real Audio proque illo permitte de registrar
filas non troppo grande... Cinque minutas de parlato per le systema
Windows produceva un fila *.wav de 3.231.000 bytes, durante que le
mesme fila, con le systema Real Audio, produceva un fila *.ra de
585.000 bytes! ...e io ha solmente 2 Mb de spatio disponibile sur mi
servitor de rete! Un compression ZIP del fila *.wav produceva un fila de
circa 1.500.000 bytes, durante que le compression de RealAudio
produceva un fila de circa 500.000 bytes...
Assi, io exhorta omne interessato a discargar e le reproductor Real
Audio e le fila Conversation: assi ille potera audirlo (sperabilmente).
Le texto scribite es isto (...). Isto es un experimento. Face me saper
si vos successava...
Avantage supplementari
Le avantage de Real Audio, tamen, non es solmente isto. Si le Servitor
del Rete possede un special software, illo pote transmitter le parlato e
lassar lo audir del auditores immediatemente sin attender que illo se
discarga.
De facto:
Le systema Real AudioŽ transmitte musica e parlato per un rete
telematic in tempore real. Tempore real significa que le usatores non
debe attender durante le discargamento de un fila: le sono se aude
durante que illo es transmittite. Le usatores ha controlo complete super
le sono: illes pote facer pausas, mover se in avante e a retro, e
recomenciar o haltar se a quicunque momento.
Le rete pote esser Internet, o un Intranet, o qualcunque retes de area
local. Le formatos Real Audio es optimisate pro connectiones a basse o
medie velocitate, includite modems a 14,4 Kbps o 28.8 Kbps e ISDN.
Le usatores pote alsi audir filas Real Audio immagazinate in lor proprie
computatores e producer filas Real Audio per un apparato que converte
filas in altere formato a filas Real Audio.
Le systema Real Audio es un systema servitor-cliente. Le servitor
provide le contento al clientes super un rete telematic. Le componentes
de base de un Systema Real Audio es:
Le Reproductor Real Audio (Real Audio Player) - Le programma
cliente que habilita le usatores a audir filas sonor Real audio.
Le Codificator Real Audio (Real Audio Encoder) - Le
programma que crea le filas sonor de Real Audio. On pote
immitter in iste codificator sia filas audio digitalisate, sia signales
audio vivente.
Le Servitor Real Audio (Real Audio Server) - Le
programma-servitor que transmitte filas sonor real Audio a un
rete telematic. Un servitor Real Audio pote transmitter filas sonor
a plure reproductores al mesme tempore.
Visor del Tela (Web Browser). Le programma-cliente que livra le
usatores a trovar le major parte del filas sonor real Audio. Le
Visor del Tela se usa pro monstrar le parte visive de presentatione
synchronisate multimedial. Le systema Real Audio functiona con le
Visores del Tela le plus popular (Netscape, Microsoft Explorer, etc.).
Servitor del Tela (Web Server), Synchronisator multimedial (Real
Audio Timeline Editor).
Le audition instantanee de filas sonor super un Servitor de Tela (Web
Server) pote evenir solmente si illo transmitte le fila per le special
Servitor Real Audio. Alteremente on pote reproducer le fila in le
maniera customari de post su transmission per le medio del Reproducto
Real Audio.
--
Paolo Castellina, v.d.m.
CH-7604 Borgonovo (Switzerland)
Tel. ++41,81,8221145
E-Mail [log in to unmask]
http://www.geocities.com/~pcastellina
http://www.ipsnet.it/netpages/room491
http://www.aspide.it/freeweb/RIFORMA
http://www.naz.com/personal/interlng
|
