Un recuperation superlative e un initiativa de continuar como uno del melior
medios pro le divulgation de Interlingua.
E sempre gratias al prof. Ingvar Stenström pro le qualitate de su labor.
Quando io pote audir un texto per le prof. Stenström, inevitabilemente io
proba quel sensationes que me face affirmar: iste Interlingua es un italiano
international!
Si! Io sape que isto non debe esser correcto; io sape que io non debe facer
iste comparation; ma io sape anque que io non lege facilemente un qualitate
de Interlingua de iste nivello.
E, a iste nivello, cata uno debe haber patientia, ma Interlingua es le
version international del lingua italian con le mesme uso del articulos, del
prepositiones, de toto illo que, in le complexo, face de un texto per le
prof. Stenström un version de Interlingua non facilemente incontrabile.
Io abandona mi paragon (*) con le lingua italian; isto es solmente le
expression de un gratification personal. Ma nos deberea demandar nos, quando
nos practica Interlingua, perque in general nos non sape producer un equal
qualitate de texto.
O alteremente, pro meglio formular le thema de mi observation, io pote poner
al attention de illes qui vole vermente practicar Interlingua, le demanda si
un texto per le prof. Stenström es per nos considerabile _LE_ modello de
Interlingua?
E io pone le attention re mi uso de _LE_ e non absolutemente le uso de _un_
modello.
Quando io lege o ascolta le obra del mesme autor 'Interlingua Instrumento
moderne de communication international' io ha continuemente le sensation del
leger un qualitate de Interlingua que io intende 'natural' pro quanto io
pote comprender debe esser Interlingua. Isto non vole dicer que io ha le
capacitate de practicar iste qualitate. Mi question es simplemente un
altere: es isto le modello?
E mi conclusion es constante in le tempore e in comparation a quanto io pote
leger anque in Panorama: le modello es illo per le prof. Stenström!

Gratias anque al passion que sempre demonstra Paolo Castellina pro le
instrumentos de diffusion de Interlingua. Le audition es de bon qualitate.

Ciao,

Mario Malaguti

(*) comparation, termino Ia per le italiano comparazione, confronto e
paragone, en. comparison.
Mi uso del termino en. paragon, como in a paragon of eloquence, of beauty,
etc. es un fortiatura verso le termino italian paragone, ma il mira a
realisar le expression de modello como in modello de beltate.
Espaniol parangón e modelo; francese paragon como in 'Hasparagon est le
paragon des avares', pro modello.

>From: Paolo Castellina <[log in to unmask]>
>Reply-To: [log in to unmask]
>To: [log in to unmask]
>Subject: Nove experiemento audio
>Date: Sat, 27 Jan 2001 22:38:14 +0100
>
>Car amicos,
>io ha le placer de informar vos que io produceva un nove texto audibile in
>Interlingua. Iste vice illo esseva legite per Ingvar Stenstroem e
>registrate
>in 1985! Illo es "Miss Anatomica", per Alexander Gode, texto in Interlingua
>legite per le prof. Ingvar Stenstroem, 1985 (Formato Windows Media, 546
>KB).
>Vos lo potera discargar facilemente e audir in
>http://www.castellina.org/audio/missanatomica.wma.
>Dice me si illo functiona. Le qualitate non es optimal proque le phonobanda
>que io ha es un poco vetule e le registration original esseva non
>professional.
>Car salutes,
>
>Paolo Castellina
>E-Mail [log in to unmask]
>http://castellina.org
>Sito cristian in Interlingua: http://probiblia.n3.net

_________________________________________________________________________
Get Your Private, Free E-mail from MSN Hotmail at http://www.hotmail.com.