CELEBRITATE ES CREATE IN SPATIO DURANTE QUE LE 'FEBRE JULIE' CURRE
PER CANADA

Per Colin Nickerson, le Boston Globe
Traducite per Stanley Mulaik a in interlingua de un articulo in le
Atlanta Journal-Constitution, le 6 de junio 1999.

MONTREAL - Le oculos de Canada es focate super le stellas durante que
un nove hero national, Julie Payette, un Montrealita de 35 annos con un
surriso infectuose, stylo attrahente, e un succession de complimentos
que ha date a illa un reputation de un femina del Renascentia, vola le
navetta spatial Discovery al gloria.

In vertitate le astronautrice con capillatura rubie esseva a bordo in
un mission de reprovisionation alquanto quotidian al nascente station
spatial international Su travalio primari esseva a reimplaciar le
batteria de cellulas de energia, non le plus sexy de travalios penose
in spatio.

Mais non essaya a informar al canadianos que il ha nihil special super
iste excursion supra le atmosphera. Iste pais es in le prisa de "Febre
Julie", ardente con le maximal intensitate in le patria de Payette,
Quebec.

Illa es un icone cultural, comparate non tanto a John Glenn o altere
dignitarios de spatio como al diva de musica popular Celine Dion o le
legenda del hockey Wayne Gretzky.

"Illa es nostre astronautrice le plus attractive .... Illa vola le
jets, parla sex linguas e tene duo diplomas in le ingenieria," effunde
le columnista Margaret Wente in le jornal The Globe and Mail. "E illa
pare terrific in un jumpsuit!"

Le lanceamento de Cape Canaveral esseva le 27 de maio - le mission
finiva hodie, le 6 de junio - e le Canada se faceva gaga.

"Magnifique!" se vantava un jornalista feminine de television
reportante in vivo de Florida durante que le navetta spatial portante
Payette e su sex camaradas astronautas se levava supra un flor de
flamma del platteforma de lanceamento al Centro Spatial Kennedy.

Le salto de Payette a in le stratosphero de celebritate es alquanto
difficile de comprender. Septe altere canadianos ha precedite la a in
le orbita, e le astronautas canadian ha complete plus missiones in
spatio que illes de de alcun altere pais con le exception del Statos
Unite e Russia.

Payette non es mesmo le prime astronauta femine canadian, un honor que
es tenite per Roberta Bondar in 1992.

Mais Payette ha captivate le imagination popular in un nation que es
rarmente inclinate al adoration de heros.

"Canadianos, subitemente, es excitate genuinamente super le spatio
externe, e il pote esser que aquello es propellite per le enthusiasmo
grande e stylo attractante de Julie Payette," diceva John Manley, le
ministero canadian del industria.

Astronauta Marc Garneau, le prime canadiano in spatio, diceva, "Illa ha
un personalitate que attrahe gentes, illa pare fantastic, e illa parla
ben. Plus, illa ha tote aquello complimentos."

Le complimentos de Payette include un diploma in le ingeniera del
Universitate McGill, e un diploma in le scientia applicate del
Universitate de Toronto. Illa sona le piano al nivello de concerto,
pote sonar un dulce melodia con le flauta, e es describite como un
excedentemente talentose soprano, qui ha cantate con le famose Choro
del Orchestra de Tafelmusik Baroc.

Illa es fluente in francese, anglese e russo, e pote conversar in le
espaniol, italiano e germano.

"Mi matre semper diceva, que il semper ha le possibilitate de meliorar
se," diceva Payette recentemente a reporters. "Vos simplemente debe
applicar vos al travalio."

Illa es un scafandrero experte, ganiava su alas como un pilota de jets
con le fortias armate de Canada, ha designate systemas de computatores
pro IBM-Canada, es previemente un recercator del parlantia pro
Bell-Northern Recerca, e ha facite recerca in "le processamento de
linguas natural, le recognition automatic de parlantia, e le
application del technologia interactive al spatio," secundo su
biographia official del Agentia de Spatio canadian.

"Io semper ha timor de perder le nave, de non esser satis bon, timor de
non esser capace de complir lo que on me demanda," diceva Payette.

De plus, illa joca le racquetball e squash con un salvageria que terre
su camaradas de spatio mascule. "Vos non vole defiar Julie a alcun
sport physic," diceva Chris Hadfield, un altere astronauta canadian.
"Illa va demolir vos!"

Como un puera, Payette brevemente considerava le carriera de un
stewardess. Nonobstante, inspirate per le missiones de Apollo - con un
affection prepubescente verso le astronauta Neil Armstrong, cuje photo
esseva adherite a su porta de camera de dormir con banda adhesive -
illa finalmente mirava a un scopo alquanto plus alte, un pauc centos de
kilometros plus alte.

Illa esseva seriosemente infectate per le interesse in le spatio circa
le etate de 8, immergente se in jornales de scientia e annunciante a su
familia que alcun die illa va cader rotantemente in gravitate zero. Mais
illa non seriosemente essayava un habito spatial usque 1992, quando illa
apprendeva que le Agentia Spatial de Canada recrutava su secunde classe
de astronautas.

Illa ha essite un liberation pro le programma spatial de Canada e le
Administration National del Astronautica e Spatio (ANAS) del Statos
Unite. "Io non crede que que il ha alcuno como Julie in o Canada o le
SUA," diceva le chef de ANAS, Dan Goldin.

Illa es felice de revelar su vita professinal mais pote esser
extrememente reticente super qualcunque cosa super su vita personal. Al
conferentia de novas in augusto, illa refusava de revelar su stato
marital.

"Io es un persona sans histoire," illa diceva a reporters, monstrante
un certe flair gallic pro le dramatic. Plus tarde le Agentia Spatial de
Canada confirmava que illa es maritate a ingeniero Montrealita Francois
Brisette.

In Quebec, illa ha devenite tanto famose que le media francese rarmente
incommode se a usar su nomine de familia: "Julie en Orbite!" proclamava
le Journal de Montreal in un titulo monstrose imponite super
photographos coperiente le pagina fronte. Quebec diffundeva plus o
minus sin fin copertura del die del evenimento.

Le partito Parti Quebecoise de quebec, fidite al separatismo e
officialmente disdignante de tote cosas Canadian, ignorava le facto que
Payette fermente porta le insignia del folio del acere de Canada super
su bracio, promulgante un resolution official in le legislatura
provincial volente a illa bon fortuna e un secur retorno.

Mais illa non es solmente un phenomeno quebecese. De Newfoundland a
British Columbia, le mania Julie ha sasite Canada.

Certemente, le attention de Canada esseva sasite quando Payette
promulgava su au revoir official super videocassetta proximemente ante
lancear. "Io spera que vos senti alcun del specialitate in le aere, le
magica del momento, como io," illa diceva. "Mi amicos, io es nihil sin
vos!"

Visita www.interlingua.com