Esteban Avey wrote:
>
> Stan scribeva:
>
> ...>Io opina que in le caso de alteros aqui in le Statos Unite, le ration
> illes non vole vader a Romania es le situation currente in Yugoslavia.
> Americanos non es multo popular hodie, e gruppos de Serbos possibilemente
> va attaccar o capturar americanos pro qualcunque objecto.  Yugoslavia es
> presso Romania.
>
> Stan Mulaik...<
>
> Car Stan,
> io crede que vostre reaction non necessariamente reflecte le ration del ausentia
> de participantes del Statos Unite. Certo vostre hypothese es possibile, ma multo
> improbabile. Il me pare que le manca de participation de nordamericanos se debe
> plus tosto al pauc numero de interlinguanos in iste pais e la distantia inter le
> Statos Unite e Europa.
> Amicalmente
> Esteban

Seriosemente le absentia del personas del Statos Unite plus tosto es causate
in le distantia. Io ha trovate Focsani sur mi mappa del encyclopedia Focus,
naturalmente - io es tentate dicer - con mal orthographia, ma si il se tracta
del mesme Focsani illo es, como io jam diceva proxime al Mar Nigre, e un poco
al nordwest de Braila. (Si vos pote poner un brevis - como super le esperantic
u in ankau toto es correcte - super le prime a toto es in ordine.

Si on vola an va probabilemente a Bucuresti primo e postea per avion domestic,
o forsan on pote prender acceleratul - le traino expresse - de Bucuresti.

Le scribente de iste lineas es un del pauc scandinavos qui ha viagiate per un
trenul accelerat (un traino expresse) inter Bucuresti e Mamaia, un viage
inoblidabile. Primo on se batteva ferocemente pro attinger le loco ubi on
vende le biletes, postea il esseva un altere battalia a _trenul_ (le traino).
E postea toto era multo amicabile. Il era estate e terribilemente calide - 36
grados Celsius, que nunquam ha occurrite in Uppsala, pro exemplo.

Subito le traino stoppava, e le passageros diceva que _este vaca la drumul_
que io comprendeva como _il ha un vaca sur le via (i.e. ferrovia).

Toto isto occurreva in le 60's. Il era le prime annos del oligarcho de omne
oligarcos, senior Ceaus,escu, qui habeva succedite George Georgiu-Dej.

Personas parlava ante toto francese e italiano. Io me faceva comprendite per
un concotion de latino, francese e espaniol mal comprendite e mixate con lo
que io credeva esser rumano.
Formidabile.

Parentesis: Si vos habera alcun vice le occasion vider un film de television
super iste senior, vos videra como ille recipe un importante ordine. Al fin de
su vita. Il es un scena sublime.

In mi juventute io habeva legite un libro de un scriptor svedese que se
appellava _Le affaire Costa Negra_ de un pais imaginate in Latinoamerica, e io
pensava de ille libro, quando io era in Romania.

Isto era un stilo de viage que io non poterea facer nunc - io postula troppo
de conforabilitate, ma il se tracta de un phantastic pais.

In Romania le estate es Europee, il face multo calor, ma illo nunquam deveni
como in le paises del Mediterrano - pensa io.

Qui diceva que Focs,ani merita un missa? Io es del mesme opinion ;-)