P. Cleij wrote:
>
> Car amicos,
>
> Benque le regulamento del lista INTERLNG non interdice discussiones super
> subjectos (inter)linguistic, io opina que in le ultime tempore il ha in
> illo un troppo grande numero de messages que tracta tal themas. Io time que
> il existe le grande risco que le longe series de messages super themas
> interlinguistic in le quales on mastica infinitemente le mesme cosas, va
> enoiar e finalmente chassar un parte del participantes del lista. Pro
> evitar desertiones possibile io propone de novo que post le presentation de
> un thema interlinguistic e un curte discussion super illo in le lista
> INTERLNG, nos lo continua in le coollist, le lista del ver interessatos e
> specialistas de subjectos interlinguistic. Que in iste liste non existe un
> archivo non me pare troppo importante. Cata uno qui ha interesse in certe
> messages pote stockar los in su proprie computator.
>
Iste masticamento de sempre le mesme parolas pote haber su ration in le facto
que sempre nove personas, qui non rationabilemtne, pote cognoscer lo que era
discutite ante 30 annos. Quanto al latinismos, illos es collaterales que es
usabiles de illes qui vole usar un variante latin de interlingua.

Ego ha, naturalmente, nihil contra le legier interlingua occidentalisante que
on pote leger in Panorama. Le daneses nunquam ha potite supportar le parola
_hic_ pro panoramic _ci_ que pro illes sona como un singulto (como quando on
ha ridite o bibite troppo de biberages forte o frigide).

Quanto a singultos il faceva un enorme impression a me in mi juventute quando
ego legeva que un papa, le nomine me ha evadite del memoria, singultava
durante plus que un mense! In tal casos certo non adjuta le cura domestic, que
on tene un vitro de aqua e prende un buccata, inglutti le aqua e dice "Un": On
repete le processo e dice "duo", e ancora un vice e "tres", e .... "quatro"
etc. usque a dece. Mi singultos, quando infante e etiam plus tarde in le vita,
sole cessar a 7. Il ha nulle derecto de autor, e omnes pote usar lo si iste
omnes lo vole. Vole ben considerar lo mi dono al interlinguanos ;-)

Hmm, parolas... Forsan plus in coollist...

Amicalmente