Con respecto a remarcas de Mike Ramsey:

   Io es felice que vos ha retornate a interlng.  Io spera que vostre
feria con vostre familia esseva gaudiose.  Io ha suspecte que vos esseva
a ferias, o preoccupate con vostre travalio scholar.  Io intende ben.
Le excambio de punctos de vista a auxlang ha essite fructose, e pro
interlingua, e pro me.  Si vos pote revider le notitias del ultime 5
dies vos va vider un discussion del historia de interlingua. Don
Harlow ha ponite al lista traductiones de un libro esperantic super le
historia del movimento pro un lingua auxiliar.  Ben que illo representa
un puncto de vista esperantic, il nonobstante es generalmente accurate.
Io opina que le differentias inter le interlinguanos e le occidentalistas
e le esperantistas con respecto a aquelle historia es le interpretation
a dar al evenimentos in question.  Io tamben opina que nos apprende como
importante E. Clark Stillman esseva in formular le idea de usar le
prototypos. Io esseva suprise a apprender que ille esseva un poeta
esperantic e philologo (possibilemente un amateur, proque ille non habeva
un Ph.D., si non que ille lo habeva del Univ. de Chicago ubi tote Ph.D.s
se addressa como "senior".  Don Harlow tamben ha postate un traduction
de un articulo de un jornaletto esperantic super un conferentia super
le problema del multe linguas in le Union Europee a que varie sociologos
e scientistas social ha appellate al possibile usage de esperanto pro
solver le problema.  Nos interlinguanos in Europa debe discoperir ubi le
individuos es qui presenta iste opiniones e inviar a illes informationes
super interlingua.  Interlingua conserva e insenia le hereditage
lexical commun del populos europee melio que alcun altere lingua auxiliar,
specialmente esperanto.

Un felice Anno Nove a toto!

Stan Mulaik