Car listanos, inclusive le organisatores del conferentia!
Le chat (confabulation interretiari) in interlingua occurre cata vice sabbatos e mercuridis post le hora 18 UTC (20 CEST).
Isto es un multo bon occasion a practicar interlingua in le rete, in tempore real, mesmo pro que hic incontra omne le organisatores del conferentia pro "parlar" omnes insimul, discutante omne le detalios rapidemente, etc. Ante que Kjell Rehnström reagerea a isto assi que pro isto le Skype es melior, pois que per illo es possibile in plus le parlar vocal io adde, que non omnes ha Skype (p. ex. Piet Cleij non usa Skype, assi un incontro inter le organisatores del conferentia non esserea possibile via Skype), e le chat scripte per IRC offere contacto immediate inter participantes de multo grande numero, dum in Skype un discussion vocal es successose techicamente inter al maximo quatro homines, ma certo inter tres.
Dunque anque le organisatores del conferentia pote usar le rete de IRC pro lor action a organisar le conferentia, como etiam interlinguistas "general" per le servitor Discussioni in le canal #interlingua quandocunque, ma p. ex. durante le sequente occassion del chat in interlingua le proxime sabbato (deman!; le 9 de julio), post 18h UTC (i.e. Tempore Universal) = 20h CEST (i.e. Tempore Estive Centro-Europee), al canal #interlingua del irc-servitor Discussioni.
Le accesso al chat ha tres manieras, selige lo que es le plus amate o plus simple pro te (o que functiona a te :) )!
1) a) Usa un cliente de IRC (p. ex. le programma mIRC, etc.), b) selige le server irc.discussioni.org (del lista del programma, o per le ordine de irc:
/server irc.discussioni.org )
c) selige le camera de interlingua, ( #interlingua) secundo le maniera determinate per tu programma, o per un ordine de IRC:
/join #interlingua . Aut:
2) a) Vade al sito: http://www.discussioni.org/cgi/irc.cgi , b) scribe in le quadretto "nickname" tu proprie pseudonymo in vice del nomine apparente, c) substitue le nomine del camera, le qual appare automaticamente in le quadretto "channel" al #interlingua (per favor non oblidar le signo #), e d) postea solmente clicca al button "Login"! E tu post momentos trovara te in le camera del chat de interlingua! Alteremente:
3) Vade al sito official de interlingua http://www.interlingua.com (le ligamin immediate es: http://www.interlingua.com/practica.htm#irc ), e solmente seque le instructiones.
A revider deman (sabbato), post 18h UTC (20h CEST) al canal #interlingua del servitor irc.discussioni.org!
KOVA'CS Pe'ter
Hungaria
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
