------- Start of forwarded message -------

Subject: Fwd: Le rabbin visita Inferno e Celo
To: [log in to unmask]
From: J Dobkin <[log in to unmask]>
Date: 3 Feb 2001 13:21:22 -0800

Car Ely:

Io ha scripte le historia in interlingua; il debe esser
facile traducer a espaniol.

Con un besio,
-Julio

*******************************************************

Un nocte un rabbin ha soniate que un angelo ha
apparite pro conducer lo al Inferno e al Celo.

Primo, le angelo ha monstrate le Inferno al rabbin.
Hades, in le sonio del rabbin, era un grande camera in
un taverna, con un marmita gigantic de sopa super
le foco. Le sopa habeva un aroma deliciose, ma le sol
cosas con le quales on poteva servir o comer lo era
grande cocleares con longe manicos. Le marmita era
profunde e quando le animas damnate usava le cocleares,
le manicos califaceva, con le consequentia que on
solmente poteva prender los al extreme plus distante
del alimento, ma le manicos era troppo longe e necuno poteva comer. Omne le damnatos era completemente
miserabile, torturate per lor condition extreme de fame.

Postea, le angelo e le rabbin ha entrate al Celo. Isto
era un grande camera identical al altere. Le mesme
grande marmita de sopa deliciose, le mesme cocleares
con lor longe manicos. Ma, necuno habeva fame. Illos
era felice e contente, e obviemente illos comeva ben.

"Como es isto," le rabbin ha demandate, "como es que,
sin alcun differentia external entre le Inferno e le
Celo, ma alcunos son benedicte e alteros damnate in
le mesme circumstantias?"

"Il es simple," le angelo ha respondite. "In le Celo,
personas da alimento le un al altere!"