<Le prime parola es in nederlandese; lo que seque es in diverse altere
<linguas.
<
<1. aangeschreven cikel
<F. cercle exinscrit (d'un triangle)
<A. escribed circle (of a triangle)
<G. Ankreis
<WILGENHOF: circulo tangente (de un triangulo)

Mi multo grande _Webster's New Third International Dictionary_ contine
"escribe" (mi Webster's in Infopedia non lo contine) como:

escribe vt. [e- + L. scribere to write MORE AT scribe]: to draw (a circle)
touching one side of a triangle externally and the other two sides
internally.

Io debe admitter que isto non revela a me le signification de isto.  Totevia,
io ha trovate un description e diagramma de illo in un Encyclopedia del
mathematica.  Mi Larousse da un melior definition:

Mi Larousse dice

exinscrit,e (de ex- e inscrit) MATH Cercle exinscrit a un triangle, tangent
a un cote de ce triangle et aux prolongements des deux autres.

Benque il es possibile que alcun mathematico francese famose creava le parola,
in veritate un circulo escribite es foras le interior del triangulo,
assi il non es "inscribite" in le triangulo de toto. In facto, mi encyclopedia
del mathematica anque usa le parola "ecircle" pro un circulo escribite. Iste
parola non es in alcun de mi Webster's. Possibilemente on trova lo in un
Oxford Dictionario del Anglese (proque mi libro es per un autor de Anglaterra).
A construer un "ecirculo" (circulo escribite) tangente a un latere del
circulo e anque al prolongamentos del altere duo lateres, on debe extender o
prolongar le altere duo lateres. Isto va facer angulos complementari al duo
angulos interior del triangulo adjacente al latere initial.  On debe
bisectar iste angulos complementari inter le latere initial e le prolongamentos
del altere lateres respectivemente.  Le bisectores de iste angulos complementari
quando extendite foras le latere initial va intersectar se.  Al puncto de
intersection es le centro de un puncto que es equidistante del latere
initial e le lineas prolongate del altere duo lateres e assi es tangente a
cata un.

Io favora le solution anglese proque illo es analoge al circulo "inscribite"
in le circulo tangente a tote tres lateres.  "inscribite/escribite".  Illo
es un circulo vermente "ex" le triangulo.  Isto justo es bon neolatino. Io
invoca le principio que quando il ha necun prototypo proque il ha necun
parola commun, alora usa un expression neolatin si illo es appoiate per
al minus un del variantes.

Io non pote trovar le parola in mi dictionarios del espaniol ni italiano,
mais istos non es exhaustive.

Stan Mulaik