Interlingua a voce 2001.

Ingvar Stenström scribeva:

>Car amicos,
>Un amico me ha inviate un message vocal per "Talksender"- Durante
>mi manipulationes inhabile con le programma mi adressario esseva
>mysteriosemente involvite e il es obvie que vos esseva "invitate" junger
>vos al programma mentionate. Io probabilemente non pote usar le
>function pro inviar (sed pro reciper).  Io ha un microphono, sed illo
>non functiona pro registration - un altere mysterio technic..
>Io non mesmo cognosce le belle Isabelle, cuje nomine se obvie-
>mente trova in mi adressario...      (Io deberea transir al penna
>del oca pro mi communication.  Illo sembla minus aventurose...)

Iste facto del microphono de Ingvar deberea esser resolvite. Forsan il
sufficerea controlar como se connecte le cavo al computer. Ma io haberea
subito
difficultate a facer le equilibrismo necessari pro vider retro le computer, o
pro leger le etiquettas. Iste oculos e iste annos!

Bon! Iste vice io non me ha precipitate a discargar le programma TalkSender
perque io me diceva: E postea, que facera tu, parlara tu de tu mesme? Il
non te
suffice MSN Messenger Service, o le altere que al minus tu usava . . . HearMe
VoiceCONTACT, ubi comocunque in interlingua tu non poteva jammais pervenir a
necuno?

Iste interlinguistas! Il non es que io pote trovar un grande enthusiasmo in
probar a parlar iste interlingua. Solmente Martijn proba a complicar le
maniera
de scriber lo.
Nos non ha pace!

In veritate io recipeva un message parlate per Martijn e illo era excellente!

Si alcun de vos habera iste caprice de connecter se on line a voce, o de
inviar
un message a voce, o de proponer un lista de illes qui senti le necessitate de
parlar interlingua, ben! Mario e su Angelo sera sempre a vostre disposition
anque pro facer simplemente del probas de connection, como:

- Io es Angelo, passa!
- Io es Mario, passa!
- Proba uno, duo, tres, como es le reception? Passa!
- Io senti nihil! Passa!

Le methodo es multo instructive, como vos pote constatar.
Ma, postea un vice, postea duo vices, postea . . . forsan nos poterea meliorar
methodo, pavor de parlar, comprension, et cetera . . . io spera!

Angelo: Tu tenta de involver me, ma tu sape que io parla solmente con te!
Mario: E como io lo sape! Io lo sape! Io lo sape!

Nos pote facer conversation anque a iste nivello. Il non existe problemas.

Le kamikaze pote inviar me un message a mailto:[log in to unmask]
 ubi io es subito advertite del arrivata, assi nos pote activar nos multo
presto.
Io serea interessate a probar le methodo MSN Messenger Service que io ancora
non probava un sol vice.

Ah! Io ha jam plus de 60 annos, face in tempore, per favor!

Ciao,

Mario Malaguti