On Sun, 15 May 2005 08:29:39 +0200, Kjell Rehnstrom <[log in to unmask]>
wrote:
>Esque le musica folkloristic annotate per Zoltan Kodály e Béla Bartók
>pote esser simile al musica traditional[? Io] ha audite alcun pecias de
>ille musica e illo es - in mi aures - multo differente a isto que sona
>le orchestras del romas.
Le cosa es complicate. Zoltan Kodaly e Bela Bartok ha grande meritos in
facer le MELODIAS original folkloristic hungare cognoscite in le mundo.
Illes ha colligite iste melodias de paisanos e pastores (e partialmente
anque de tsiganos viste le presentation instrumental de illos); illes los ha
notate a papiro al loco immediatemente, e si illes ja habeva fonographo o
gramophono, alora postea in Budapest secundo le registration sonic. Postea
illes los ha publicate in libros, e anque elaborate a esser obras de musica
classic ("cultivate", como Mozart, Beethoven, Brahms, Prokovyev, Bach, etc.)
contemporanee. Dunque in ille obras musical le thema (le melodia mesme) pote
esser traditionalmente folkloristic, ma non le maniera a presentar los (per
piano, etc.) De plus le harmonisation es naturalmente differente de illo,
con le qual mesme le paisanos e pastores e le tsiganos del campania usa pro
le mesme melodias.
E lo que le sono, le harmonisation in le obras de Bartok e Kodaly differe
anque del sono del bandas tsigan urban, ha le causa, que il ha tres manieras
de presentar iste cantos folkloristic: 1) le original (per paisanos,
pastores e tsiganos del village) 2) illo per le tsiganos burgese, urban,
jocante in restorantes in le urbe 3) e le maniera de presentation e le
harmonisation conveniente al musica classic, facite per un compositor (p.
ex. Kodály o Bartók, etc.)
Le maniera de presentation del bandas tsigan urban sta inter le maniera
original e illo del musica classic.
Péter Kovács
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
