Le venerdi passate io e mi sposa conduceva nos in nostre
automobile a Auburn, Georgia al casa de Leland Yeager,
ex-Presidente de UMI, pro exercer le parlantia de
interlingua e a discuter le question de formar un
societate american de interlingua (mi nove preferentia
pro le titulo de tal societate).  Le tertie person esseva
Dr. Luis Garcia Dopico, un previe studente de Prof.
Yeager al Universitate Auburn e le professor del sposa
de Dr. Dopico.  Dopico es un multo amicabile gente.

Nos passava duo horas parlante in interlingua.  Isto esseva
mi prime opportunitate a facer lo, e io trovava que si le
parlator parla interlingua lentemente, io poteva comprender
lo.  Ben que a vice mi lingua pareva a me distorquite in
parlar, io esseva capace de parlar alquanto spontaneemente.

Le resto del tempore, a un meraviliose dinner cocite per
Leland mesme, nos parlava anglese, proque nostre sposas
non lo parla interlingua (ben que mi sposa diceva que illa
poteva comprender un poco).

Al post meridie del die secunde (sabatto), nos conduceva
nos insimul in duo automobiles a Columbus, Georgia, ubi
nos prendeva cameras al Hotel Hilton.  Il pare que isto
esseva un tradition de Yeager e le Dopicos.  Cata anno
durante le previe quarte annos illes habeva vadite a un
grande antique restaurante al banco del Riviera Chattahootchee
que passa per le duo urbos de Columbus, Georgia e Phenix
Citate, Alabama (le riviera es le bordo), pro celebrar
le solstitio.  Iste anno esseva le quinte. Le nutrimento
esseva meraviliose.

Le Hotel Hilton mesme esseva constructe in parte in le
sito de un molino usate durante le 19me seculo.  Trans
le strato esseva hodie un grande centro de conventiones,
que esseva un reconstruction de un fabrica de ferro usate
como un arsenal pro le fabrication de pecias de artilleria
pro le Confederatia in le Guerra Civil.  Un signo diceva
que aqui esseva le prime pecia de artillery fabricate que
esseva cargate a su brecha.  Le edificios esseva constructe
de briccas rubie.

Columbus, Georgia es presso Fort Benning, le base militar
del Armea pro exercitar soldatos in le arte del infanteria.
Plure del gentes in le restaurante habeva le capites
con capillos curte typic del infanteria.  On dice que il
ha un Museo del Infanteria aqui, mais io e mi sposa non
ancora ha visitate lo, mais possibilemente in le futuro nos
va facer lo.

Stan Mulaik



Nostre opiniones super un societate american es que
initialmente illo debe esser informal proque nos ancora
non ha multe membros potential, e illes qui jam abona a
Panorama e UMI es locate a grande distantias de le un
le altere (con le exception de nos, qui es solmente
128 milas o 2 horas del un le altere per automobile).
Con respecto a reuniones, isto va depender super le
membros. Possibilemente regional reuniones como le
nostre esserea melio usque nostre numeros cresce plus.