Hic infra se trova un parte del message benveniente recipite per nove
subscriptores a INTERLNG.

*************************
Salute amico,
vos ha jungite vos a nostre gruppo de correspondentia electronic, INTERLNG,
ubi nos scribe e lege iste lingua belle, practic, e intelligente.
Benvenite.

"INTERLNG" es le nomine de un gruppo de personas qui vole participar in
discussiones in interlingua sur le interrete per excambio de poste
electronic. Le objecto de iste liste es provider un foro pro USAR le
lingua. Le intention principal non es discussiones SUPER Interlingua sed
discussiones IN Interlingua super themas varie. Nonobstante, isto non vole
dicer que tal discussiones super Interlingua sia prohibite. Nos spera que
interlinguaphonos a qualcunque nivello sentira se benvenite. Il debe esser
evidente que necuno parla interlingua como lingua materne. E totos pote
semper meliorar se. Ergo, omne participante in iste gruppo intende semper
communicar con un spirito de patientia, cooperation, e amicitate.
*************************

Como Jan ha jam facite, anque io volerea incoragiar participantes a inviar
lor essayos a le gruppo.  Naturalmente il non ha un garantie que on recipe
alicun responsa a su 'obras'.  In veritate, io ha sovente habite le senso
que io "crita in le vento".  Ma, non importa!  Le cosa importante es
PRACTICAR.  Mi visita al conferentia ha me convincite que "scriber" sia
multo effective como preparation a "parlar".

E, quanto al themas, il es clar que personas ha interesses varie.  INTERLNG
es como un soiree con multe conversationes al mesme tempore.  Diverte se!

-- frank

-- frank