>--- Jay Bowks <[log in to unmask]> wrote:
>> "Harleigh Kyson Jr." <[log in to unmask]> wrote:
>> > Naturalmente, io debe haber scribite "Esser un
>> > homosexual christian es le equivalente de esser un
>> > judeo nazi!"
>>
>> Francamente Harleigh, "Non!"
>> Tu non lo "debeva haber scribite"
>> illo pare multo inflamatori, ma pensa
>> quante prestres catholic ha tu insultate
>> gravemente con ille "disparagiamento"!
>>
>> Amicomicalmente,
>> Jay B.
>
>---
>
>Io sape que tu personalmente es contra nostre
>persecution.
>
>Ma il es simplemente dishoneste mantener que multe
>christianos, specialmente in le Statos Unite, non usa
>le biblia pro justificar nostre oppression social e
>legal.  Multes ex illes mesme incoragia activemente le
>violentia contra nos.
>
>Le major parte del christianos qui crede que on non
>debe discriminar contra nos accepta passivemente le
>attaccos del christianos qui nos odia.
>
>Como io jam ha dicite, lor activitates es moralmente
>identic al oppression del judeos per le nazis.
>

Mi proprie position con respecto a isto es plus proxime
a aquello de Martijn, qui non crede le existentia de Deo,
mais ancora respecta le spiritualitate como un dimension
genuine del humanitate.

Assi, io crede que a nominar "homosexuales christian"
"nazis", o a tractar tote christianos como hostile a
homosexuales, es irrational, e plen de prejudicio.

Il ha multe christianos qui crede que Christo esseva
opponite a illes qui sequeva solmente le littera del
lege del prophetas, mais non comprendeva le spirito de
illos. Ille esseva accusate de rumper le leges del
prophetas. Jesu diceva "Qual hypocratia!" Isaiah habeva
ration quando ille ha prophetizate super vos [le Phariseos]:
'Iste populo me celebra con parolas de lor labios,
mais lor corde es longitan de me; lor adoration de me
es in van, pro illes insenia como doctrina le
commandamentos de homines.'" Mattheo 15:7-9.

E plus tarde le Phariseos ha probate Jesus con iste
question: 'Maestro, que es le plus grande commandamento
in le Lege'. E ille ha respondite: "'Ama le Domino tu Deo
con tote tu corde, con tote tu anima, con tote tu mente.'
Aquelle es le plus grande commandamento. Illo es primari.
Le secunde es similar a illo: 'Ama tu vicino como tu
mesme'.  Toto in le Lege e le prophetas depende super
iste duo commandamentos." Mattheo 22:34-40.

Assi le fundamentalistas qui attacca le homosexuales
proque illes crede que isto es le lege de Leviticus
es contra le inseniamentos de Jesus.  Assi pro multe
christianos le essentia de fide non es in le litteral
adherentia a certe commandamentos in le Biblia, mais
le obedientia al duo prime commandamentos date per
Jesus a amar Deo e tu vicino.

E altere Christianos, como le theologeo, Paul Tillich,
inseniava que le Christo super le Cruce esseva un
symbolo que es le criterio per le qual on judica le
idolatria.  Jesus super le Cruce es Deo qui se sacrifica
pro salvar le homines. Un idolo demanda que tu se
sacrifica pro un cosa finite, que tu sacrifica le
homines pro le existentia de iste idolo.  E le
idolatria es a adorar lo que es finite e confunde le
finite que existe como un cosa, con le fundo de esser,
que il ha alque e non nihil, que es tu preoccupation
ultime.  Tu preoccupation ultime non es un cosa, non
es un practica finite, mais que il ha alque e non nihil,
que nos vive e mori, que cosas existe quando il pote
haber nihil. Deo es le resolution del preoccupation
ultime, mais Deo non es un cosa que existe, mais que
cosas existe in loco de nihil. Deo es ultra tote
comprension, durante que cosas pote esser comprendite.
E a acceptar le Voluntate de Deo es simplemente a allinear
te con le assertion de existentia contra le non
existentia, de lo que es, e le acceptantia de tu morte
como parte del continuation del vita e del existentia
de alteros. E le amor es le expression del assertion
de existentia contra nonexistentia.

Le communistas esseva idolatrose, proque illes adorava
le idea de un finite societate ideal a que tote homines
debe sacrificar se pro dar lo existentia e mantener su
existentia.

E le fundamentalistas qui es preoccupate con le finite
cosas que homines debe facer e non le spirito del lege
es idolatrose. Illes celebra per lor labios le leges
in le Biblia, mais tracta los como si illos esseva
leges commandate per homines, sin comprender le
significantia e spirito internal que illos representa.
Illes tracta cosas finite como si illos esseva objectos
de adoration.

Nulle cosa que existe es le resolution de proque cosas
existe e il non ha nihil. E nulle cosa o forma que
existe debe esser nostre preoccupation ultime e objecto
de nostre adoration.

Assi io pote comprender como il pote exister ver
christianos homosexual. Illes comprende le message de
Jesus. E possibilemente illes es melior preparate pro
comprender aquelle message que le fundamentalistas qui
attacca les.

Stan Mulaik