Io ha inviate a Thomas Breinstrup le prime parte del
curso de interlingua parlate que io nunc prepara.
Iste curso ha octo partes.

Io va invar a ille cata parte post finir mi
preparation del textos in interlingua sin perleger e
corriger los.  Io crede que, con photocopias del
textos imprimite, Thomas e su equipa potera continuar
le redaction del curso sin difficultate.

Io face isto proque il es possibile que tosto io
morira in un attacco militar contra le Statos Unite.
Le porto de Long Beach, que es juxta le porto de Los
Angeles, es un importante puncto de importation e
exportation in iste parte del Statos Unite.

Il esserea multo facile celar un bomba de fission de
unes 30 kilotonnas inter le mercancia que va trans
iste portos o in un yacht personal navigante a in
nostre marina e detonar lo per controlo remote.  Si
isto occurre, io probabilemente morira instantemente
proque io vive a unes 1.5 kilometros ab iste portos.

Isto esserea regrettabile pro me personalmente, e io
non volerea morir in un tal attacco, naturalmente.  Ma
il deveni obvie a quasi omne le mundo que le motivo de
iste guerra criminal nostre es le controlo del
petroleo del Medio Oriente per companias transnational
de origine american e britannic.

E ben que io crede que io personalmente non merita
iste sorte, il es possibile que nos debera perder duo
o tres de nostre citates ante que nos apprende que nos
non pote continuar iste pirateria nostre sin un
responsa bellic ex le resto del mundo.  In anglese:
"We haven't yet learned that we can't continue fucking
over the rest of the world indefinitely before it
starts fucking back!"

Mesmo si nos potera conquirer Iraq militarmente in,
que nos dice, un mense, io crede que isto essera un
sol battalia in un guerra o, melio dicite, un processo
historic per un mundo que revolta contra le pirateria
american que se ha intensificate post le Secunde
Guerra Mundial.

Le mundo pote dar nos un morte de mille secturas, si
illo vermente vole facer lo, per multe tipos de actos
de sabotage.  Ecce un possibilitate:  Missiles
portabile usate como carabinas que pote attaccar
aviones de passageros a basse altitudes nunc se vende
a governmentos pro US$60.000.  In le mercato nigre, on
pote comprar los a cambio de unes US$300.000.

Gruppos de guerrilleros pote comprar e transportar los
facilemente in omne partes del mundo pro attaccar
aviones de passageros.  Post le perdita de, que nos
dice, 12 de illos trans le mundo, le aviation de
passageros commercial cessara completemente.

In le dies quando paquebots como le Queen Mary, nunc
in Long Beach, esseva le vehiculos usate pro
transportar passageros inter le continentes, un
submarino costose con un equipa costose e torpedos
minus costose esseva necesse pro facer affundar un ex
iste grande naves.  Ma nunc, un "carabina" de unes
US$300.000 pote destruer un avion commercial e occider
omne su passageros.

__________________________________________________
Do you Yahoo!?
Yahoo! Platinum - Watch CBS' NCAA March Madness, live on your desktop!
http://platinum.yahoo.com