==========
ARTILLERIA
==========
Car interlilleristas,
Nostre gruppo INTERLNG habe al minus duo capitanos del reserve de
artilleria, Stan Mulaik e Jan Armann.
Io serviva in le armea finlandese in 1955--56 in le
5e brigada in Kouvola. Le soldatos del brigada veniva ab
Sud-Ostrobothnia, le parte plus patriotic e militaristic de
Finlandia. Le major parte del officieros e subofficieros era ex Carelia,
le territorio perdite al Union Sovietic in le guerra. Illes era
veteranos de guerra qui habeva longe
filas de medalias super su pectores. Illes era acride
homines; e religiose, assi malediction non era tolerate in
nostre brigada.
Io era trainate a commandante de un gruppo de infanteria
(Gruppenführer, squad leader) como subsergente (alikersantti,
undersergeant, >>).
Le artilleria del brigada (2 regimentos) non habeva loco in le
guarnition del brigada, io crede que io non jammais
videva nostre pecias de artilleria. In nostre manovras con munitiones
real nos habeva carros blindate (T34-85, captivate ex le armea sovietic
durante le guerra, e
Panzerkampfwagen IV, comprate ex Germania in 1944).
Ma nos habeva cannones antitank german de 75 mm ex le secunde guerra
mondial, multo efficace ancora durante le annos 1955--56. Nos cursava
postea le T34'es que attaccava
un collina tirante granatas real. Un PzKpfW IV tirava a nos
ab 50 metros - ma solmente con munition de manovra - alicun
stoffa nondefinitebile.
Io ha essite multo proxime alicun cannones antitank de 75 mm quando
illos tirava. Io non amava le ruito de illos ...
Ma io non ha vidite le pecias de artilleria de campo tirar,
excepte duo cannones de 122 mm que tirava munition de manovra quando nos
visitava le guarnition de nostre filio
quando ille serviva in le Nylands Brigad. Le ruito era
horribile, forsan le ruito del munition de manovra es
ancora plus forte que le del munition real.
Io ha essite sub foco del morteros de 81 e 122 mm. Con le
foco de 122 mm nostre distantia de securitate era troppo
parve e un grande fragmento veniva bastante proxime nos.
Le vääpeli (Feldwebel - sergente-major) qui commandava nos,un saisonate
veterano de guerra, nos non credeva ma postea
ille discoperiva que le fragmento era ancora calide, ille
critava: "Joukkue ylös, suunta tuo, muodotta mars mars!!" ("Le peloton :
Leva se!, in isto direction, sin formation, marcha marcha!!"). Duo
"marcha"'s significava que on deberea currer tanto rapidemente que on
poteva.
Actualmente le explosion de un granata de 122 mm ex un mortaro es plus
violente que le de un pecia de artilleria.
Nostre filio era durante su manovra de reservistas in un
tenta quando granatas de morteros de 160 mm era tirate a
in le vicinitate - on voleva accostumar le reservistas a
le ruitos del guerra real...
Ma, naturalmente, tote isto es joco del infantes si
comparate con le horrores del guerra real.
Pacificamente
Allan
|
