Car amicos,
iste longe notas es requirite per le ultime message de Jay
Bowks. Le responsa a su questiones, tamen, insimul a altere
studios super le doctrina biblic del Sancte Trinitate,
apparera in le sito
http://www.fortunecity/littleitaly/buonarrotti/24.
Iste sorta de discussiones poterea evenir non super iste
lista de correspondentia, ma, si on trova bastante
interesse, in un forum que io pensa de crear super
http://www.delphi.com.

Io exhorta sr. Bowks a abstiner se de appellar "pagan" le
doctrina del Sancte Trinitate usque quando ille proba nos
que illo es vermente pagan. Io le exhorta a monstrar un
libro o un scripto scribite per un "pagano", un ver pagano,
cuje conception del Trinitate concorda con lo que es
inseniate per le theologia christian orthodoxe.
Alcun inter le plus obvie probas del veritate biblic del
Sancte Trinitate es:
1) Le Biblia insenia que il ha solmente un sol Deo.
Inseniamentos eterodoxe como illos del Societate del Turre
de Guarda dice que Jesus es "un deo" distincte e separate
del Patre. Ille dice que le Patre creava le Filio. Isto es
un clar violation del Biblia. Inseniar que il ha plus que
un Deo (un Deo "grande" e un deo "parve") es un doctrina
pagan (isto si), appellate "polytheismo" (Vide De. 4:35;
6:4; Is. 43:10,11; 44:6,8; 45:5,14,18,21,22; 46:9; Jac.
2:19; Juda 24:25).
2) Le Biblia prohibi al homine de adorar (coler) qualcunque
si-dicite deo excepte Deo. Exodo 20:1-5 e Deut. 5:6-9 ambe
declara isto multo clarmente. In Isaiah 45:23 Deo
dice: "Ante  me omne genu se plicara". Pois, in
Philippenses 2:10 Ille dice: "al nomine de Jesus omne genu
se plicara". Si omne genu se plicara e si Jesus non es Deo,
alora le Patre hic commanda nos de infringer Su mesme lege.
Ille tamen non lo facerea unquam. Hebreos 1:6 dice nos que
quando Jesus esseva un infante, le angelos le adorava.
Anque homines adorava le infante Jesus. On non pote dicer,
como alicuno dice, que a Jesus e date honor
como "representante de Deo". Mesmo le paganos, quando se
flecte ante un petra o a un deo de ligno, illes dice que
illes non adora le idolo, ma le deo representate per ille
idolo. Cata vice in le qual le Biblia dice que Jesus esseva
adorate, o colite (> culto) le Societate del Turre de
Guarda cambia le parola "adorar" con qualcosa
como "honorar", durante que in greco illo es le mesme
parola. Deo prohibi al homine de adorar o de plicar /
flecter se a altere personas o cosas differente de Se ipse.
Durante que Deo commanda al homine de adorar Jesus, alora
Jesus debe esser Deo rendite Se homine.
3) Jesus es recognoscite como Deo. In Actos 10:25,26 Petro
e le angelos refusa de adorar homines. Tamen, quando Thomas
adora Jesus (Joh. 20:28), Jesus lauda Thomas. Vide also
Hebreos 1:8.
Deuteronomio 10:17, Apocalypse 17:14 e 10:11: totes cita le
Senior del seniores. Le passages de Apocalypse parla in re
Jesus Christo. Zacharia 14:9,17 se refere al regno
millennial quando Jesus essera le Rege. Totes debera adorar
le Rege, le qual es Jesus Christo.
Uno del versos plus clar es Isaiah 9:6, que dice: "Proque
pro nos nasceva un infante, nos esseva date un filio; e le
governamento essera super su spatulas; e su nomine essera
appellate Meraviliose, Consiliero, le Deo potente, le Patre
eterne [litt. le Patre del eternitate], le Prince del
pace". Iste versos se refere a Jesus Christo. Ubi in le
Biblia il es scribite que Jesus deveniva un Patre per haber
un filio litteral? Ubi il es scribite que Deo deveniva
granpatre quando Jesus habeva Su Filio? Nos essera preste a
discuter in ultra super le Sancte Trinitate quando tu
respondera a iste questiones.
Altere referentias que proba que Jesus es Deo es: Isaiah
41:4; 44:6, e 48:12, copulate con Apocalypse 1:11; 1:17, e
22:13. Jehovah Deo es appellatee "le prime e le ultime"
o "le alpha e le omega", Ergo Jesus debe esser Deo.
Johannes 5:23 dice nos que tote le homines debe honorar le
Filio in le mesme maniera que illes honora le Patre. In
Johannes 10:28, Jesus dice que Ille da vita eterne. Pro
poter dar vita eterne, Ille debe haber vita eterne in Se
mesme. Vide alsi Johannes 4:6; 17:2; e 20:31.


_______________________________________________________
Get Visto!  Groups, event calendars, email, and more...
Check it out @ http://www.visto.com/info