Heri nocte io e mi sposa vadeva al Dinner de Ex Alumnas del Schola de Infirmeras
del Universitate Emory in Atlanta.  Mi sposa es pensionate post multe annos
in le facultate del Schola e illa esseva facite un alumna honorari del Schola.

Mais durante le dinner un infirmera chiurgic sedite a mi sinistre al tabula
diceva a me le sequente joco:

Un chirurgo distinguite decideva a retirar se de su profession.  Mais pro
mantener un interesse active in alcun nove practica, ille decideva devenir
un mechanico de automobiles.

Ille se matriculava in un schola de mechanicos local, e post plure menses de
instruction, ille veniva a su examination final.  Ille debeva disassemblar un
automobile e reassemblar lo.

Assi quando ille ha finite su examination, ille attendeva su punctos.

"Vos ha recipite 200 punctos percentual," diceva su instructor.

"Io non comprehende.  Como pote io reciper 200 %?

"Ben," diceva le instructor, "io dava vos 50% pro disassemblar le automobile.
Alora io dava vos 50% pro reassemblar lo.  Finalmente io dava vos 100 pro
cento pro facer lo per le tubo de escappamento."


Stan Mulaik