Kjell ha ration que le problemas con le automobiles in le citates es
un problema pro cata citate.  In le election recente aqui in Georgia
le Governator del Stato perdeva su re-election in parte proque ille
non esseva contra un plano a construer un nove autostrata al nord
de Atlanta foras le autostrata del perimeter pro diriger le circulation
de camiones del west al est sin vader per le citate o su autostrata
del perimeter.  Multe nove casas habeva essite constructe in le
vicinitate del proponite nove autostrata, e illes, essente affluente,
opponeva le autostrata e le crescimento del circulation de automobiles
que illo apportarea a lor vicinitates.  Illes ha organizate les e ha
votate pro le opponente del governator.  Le altere ration que nostre
Governator ha perdite, al surprendita de totos, esseva le resentimento
contra le governator pro appoiar le cambio del bandiera del Stato, que
reduceva le parte del bandiera previe, que esseva basate super le
bandiera del Confederatia in le Guerra Civile, a un micrissime
representation de aquelle bandiera insimul con altere bandieras
historic del Stato.  Le votatores in le sectiones rural del stato
ha resentite le maniera in que le Governator ha guidate le legislation
pro iste nove bandiera per le Legislatura sin facer possibile un
referendo super le question.  Illes le accusa de esser un dictator.
Le facto es que le communitate commercial non voleva le previe bandiera
con le grande monstra del bandiera del Confederatia, proque le population
negro lo resentiva como antinegro.  De facto illo es ja aquello, proque
in le 1960s un previe bandiera de 50 annos duration esseva reimplaciate
per le bandiera del Confederatia per le stato quando illo opponeva le
effortios national a dar plus derectos al negros, specialmente in le
Sud.  Le nord de Georgia ha crescite multo in population de personas
de foras le sud e ora domina le politica, e illes ha necun intresse in
continuar le conflicto inter le racias.  E le companias commercial
vole reducer le conflicto tanto ben.  Mais le gentes in le regiones
rural senti que lor hereditage ha essite rejecte.  Infortunatemente
aquelle hereditage habeva devenite associate con le racismo del 1960s
e le bandiera del Confederatia ancora ha aquelle association in le
mentes de tote le mundo.  Assi un bon Governator es reimplaciate proque
ille ha facite decisiones difficile pro le beneficio del stato.  Mais
le question super le autostrata va remaner, proque le problema del
circulation remane e se pejora.

Stan


Stan Mulaik