Si, Kjell, on pote obtener le Coke in le parve bottilias de crystallo.
Ora tamben on pote trovar le machinas que vende illes typos
de bottilias, e forsan si on vole on pote haber un de ille machinas
a su casa, o negotio pro usar como initiator de conversationes.

Il ha alcun manufactores del bottilias usque iste tempores, e
gratias a illes nos habe le parve bottilias que son tanto rememorante
del tempores vetule, ubi le Cola e le bibitas esseva omne bon e
omne refrescante, non isto de "diet-free"... "caffeine free"...
"flavor... free" ma il es clas que omne non es "free" (gratis)
on debe pagar plus pro alcun bibitas que son "free" hic in
le statos.

Rememora alcun de vos al lista le canto del
Coca-Cola... con le personas super le monte
cantante melodiosemente... "I'd like to teach
the world to sing in perfect harmony..." (Io
volerea inseniar al mundo integre a cantar
in harmonia perfecte). Ahhh, le memorias.

Ma le memorias hic in le Statos representa
profittos e illos representa poter e annuncios
al television, nove e plus excitante pro le
juvenes de hodie... plus graphic tamben...

Ha viste vos al lista le annuncio de television
del Coca-Cola ubi le Ursos Polar gusta multo
de biber le Coca-Cola?

Ma in un altere thema... Io ora es in le processo
de actualisar le paginas del Ortografia Colateral.
Si vos ha alcun suggestiones o referentias io
vole saper los.

"Cola"teralmente,
Jay B.
-----Original Message-----
From: Kjell Rehnstrom
>Esque on ancora usa in le Statos Unite le parvissime botilias a 33 cl?
[...]
>Refrescantemente