Fortunamente le tempesta passa, al momento, circa 150 km al sud de mi
citate.  Nos experientia periodos de calma interrumpite per periodos de
vento, tonitro, e pluvia multo forte (vento de forsan 60-80 km/hora).  Le
vento veni ex le este.  Nos expecta que Georges se movera hodie al nordwest
per le Golfo de Mexico e impactera le custa del statos Alabama e
Mississippi.

 (Io hesita scriber de bon fortuna in connection con un tal tempesta,
proque le nostre bon fortuna veni al costo de mal fortuna de altere
regiones.)  Un meteorologo diceva heri vespere que iste tempesta habeva le
potential a esser un ver monstro e haberea causate ancora plus damnos e
mortos.  Super terra le huracanes perde fortia; super aqua calide illos
cresce.  Ma, in facto, iste tempesta passava directemente super le insulas
de Porto Rica, Hispaniola (Republica Domenica, Haiti), e Cuba e non
attingeva su ver potential destructive.  Le mal fortuna del gente povre in
ille insulas era le causa de nostre bon fortuna.  Le prognosticatores
meteorologic dice que Geoges devenira plus forte durante su passage per le
golfo calide e le  ventos a su centro attingera usque 200 km/hora quando
ille arriva al custo.