Il 14/06/05, Lars Rosenmeier<[log in to unmask]> ha scritto:
> Salute a omnes
>
> Io pensa que il esserea interessante apprender alique (?) plus del
> participantes del Interlng. Io pensa a cosas como: Qual es vostre sexo,
> etate, nationalitate, occupation, interesses, etc. Il esserea anque
> interessante saper qual linguas vos sape ultra interlingua, e in qual
> succession vos los ha apprendite. Il esserea particularmente interessante
> saper, si il ha ulle interlinguistas, qui non anque parla anglese.
>
Car Lars,
Il es interessante apprender super te.
E il me place tu question pro saper
plus de me. Assi que io respondera
que io nasceva in 1962, le die plus
calide del anno, secun mi matre, e
que io es originalmente ab Sevilla,
Espania, del "barrio de la Macarena".
Mi matre es anque ab Sevilla e mi
Patre ab Lisboa. Ma Quando io esseva
parve, mi matre cognosceva mi patre
futur, qui esseva un soldato american
in Espania, quando io habeva septe
annos de etate illos se maritava e ille
me adoptava. Io sempre pensa de ille
como mi patre jam que io ha solo
poc memorias ab mi altere patre,
qui resta in pace, ma gratias a iste
mixtura familiar io sape espaniol,
portugese e anglese, ma io debe
admitter que mi portugese non es
tanto bon a causa de non practicar
lo. In le schola io studiava francese
e latino, e plus tarde in mi studios
avantiate io studiava le linguas classic
latino, hebreo e grec. In mi studios
universitari io me interessava in le
linguas romanic e assi in le galego,
italiano e catalan, facente un excursion
al basco, brevemente, e non multo
facile e appreciante que le influentia
latinic in le lingua del pais basc non
es bastante grande pro considerar
lo un facile studio linguistic, al minus
pro me ;-) Ma le practica de linguas
que on studiava in annos passate me
manca, e pro esso io ama poter visitar
sitos al rete e leger ille linguas pro
continuar mi appreciation de illos.
Gratias a mi interesses linguistic io
trovava le Esperanto, al tenere etate,
e videva como idealistic le idea de un
lingua international esserea, e a causa
de mi interesse in Eo, io legeva super
le Interlingua, ma io trovava le Latino
sine Flexione, e iste lingua me fascinava
proque io apprendeva latino al schola,
e tunc poteva in classe parlar super iste
trovata con mi professor de latino in
le schola. Annos depois in le universitate
io apprendeva que libros mentionante
"interlingua" anque parlava de un altere
lingua, malgrado multo similar al Latino
sine Flexione, ma multo plus moderne
in le vocabulario, e assi io trovava le
Interlingua de IALA. Mi fascination con
Interlingua post graduation e mi empleo
como inseniante continuava e iste
interesse in le belle lingua international
me duceva a cercar opportunitates
pro cognoscer altere personas qui lo usava.
Anque io esseva membro de un gruppo ab
Compuserve, FLEFO, e illac io trovava
altere interlinguistas, e depois le lista
INTERLNG nasceva e hodie nos es hic.
Io te preca excusar me si io parlava troppo
de me. Io anque me interessa in saper
plus super le altere amicos hic in le lista
e lor experientias, in special como veniva
illes a Interlingua. Nostre camminos son
forsan tote differente in origine, ma nos
veni totes gaudientemente a iste crux de
vias gratias a Interlingua.
Con salutes amical,
Jay B.
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
