Ego ha desde alcun menses accesso permanente al
rete via cablo digital de Television. Isto
significa que mi contactos con le rete non va via
le ductos telephonic ma via le rete del provisor
de programmation televisive.

In practica isto significa que ego paga un taxa
unitari pro tote le mense, sin respecto al tempore
que ego sojorna in le rete.

Al ultime tempore ego ha essite multo fascinate
del possibilitate ascoltar le radio via le rete.
On usa Real Audio. Ego pro exemplo poteva ascoltar
Belo Horizonte (lo que in mi aures non-syntonisate
sonava como ['be:lu orizontyi] con un massa de bon
musica e un enorme loquatiositate del presentator.
Il sonava quasi un russo qui habeva vivite multe
annos in Danmark comenciava leger interlingua sin
informationes del pronunciation! Ego poteva
constatar que ego comprendeva multo poco, ma
ascoltante le aures apprendeva (in le senso multo
realistic) plus e plus de parolas. Ego certo va
retornar a ille station!

Altere interessante stationes era le Radio Polonia
con novas del visita del Papa a Ucraina (on
intervistava un prestre de Kiev/Kiyv (orth?). E le
musica multo ben.

Altere summitos de ascoltation era le novas in
latino de Radio Finlandia International e etiam le
possibilitates audir stationes transmittentes in
svedese.

In addition ego pote ascoltar programmas de nostre
radio national, que ego ha perdite! Un poco como
le senso dum le era del undas curte!

Le notitias de Islandia. On debe ascoltar multo
energicamente usque que on comprende, si le
islandese non es un del linguas in le arsenal de
uno. Leger e facer recercas es un aventura in le
sito del Radio Islandia (RUV).

Mi favorita nonobstante era le Radio Batanga (si
mi memoria me servi) con musica mariachi, un
specialitate mexican que forsan ha le stato del
"vetere musica de dansa" apud nos in Svedia. Ego
gaudeva, proque le parolas in le cantos era satis
facile a comprender. Mmmmmmmm!

Amicalmente

Cellus
auscultator mundi