Como vive vos altere?
Quando leger le plen conto de activitates de Stan le fin de septimana
passate, io esseva rememorate a un de mi vetere ideas, a saper un
inguesta a nostre modo de viver. Hic, ubi io ha ponite mi "pichettos de
tenta", l
e natura es multo proxime.
In Svedia del sud, on vide un oblonge laco, al pointa del sud delqual
reside un citate, Jönköping. Un longe cauda de habitationes se extende
al sud usque a Taberg. Le nomine es derivate del montania que io vide
ab mi fenestra nunc. Illo contine 40 procentos de ferro (titan-magnetit-
olivino), lequal ha facite le base del industria hic pro un millennium.
A saper, non jam.. Un organisation milieu, ha comprite le montania (!)
pro evitar le planos a construer un pista de ski, a saper pro
salvar un flora et fauna fantastic. Isto debe le facto que le terra es
multo basic (non-acide) con un pH plus que 7 super le declinationes.
Le vetere puteos del mina se extende profundemente in le montania.
Nunc illos es habitate de sex differente species de vespertiliones
(bats), duo de quales es multo rar. On pote vider lo quando visitar
le puteos con un guida touristic. Super le culmine es un restaurant
e de iste es un panorama fantastic. Multe Europeos visita le montania
proque illo es solmente 4 kilometros ab le E4, qual origina in Portugal
(Lissabon) e curre per Francia, Germania e Danmark (inter alia).
Mi casa es blanc, in duo etages con un basamento e un mansarda (attic).
Le bordo sud es un riviera e foras le riviera es solmente un
foreste ubi es un richessa de animales como cervos e (mooses =?!).
Al nord es un strata e un ferrovia ubi rarmente passa un traino
multo lentemente, quasi ...somnolente. Del est es un parco con belle
arbores, pertinente al citate. Al west es un station de gasolina
con un boteca, que vende jornales, alimentos, bonbons e, naturalmente,
omne articulos requirite per le automobilistas. Illos tamen vende
panes e lacte (e video films--sed non pizza--ancora non).
Le centro de nostre suburbio es a 500 metros via.
Depost haber movite hic io removeva omne tapetes (=carpet;"tapet" es
le svedese parola pro papiero parietal [wall-paper]), moleva via
le vernisse super le solo e pingeva illo con un laque clar, pingeva
le papieros parietal in un color rosee in le salon e installeva un
lavaplattos, un lavator e multe, multe altere cosas. Le casa es 150
annos al minus, sed illo es renovate plure vices. Le fundamento es de
petras.
Le natura es bellissime hic, ubi vive solmente io e mi sposa.
Io ha recentemente colligite le pomos restante post que le (=MOOSE)
ha adjutate consumer le majoritate de illos (aaaaargh!).
Como vive vos altere?
Sigmund, pinctor, specialista in remodellation, facitor de
installationes
electric, amator general e doctor (mago tribal).
-----------------------------------
"The irony of the Information Age is that it has given
new respectability to uninformed opinion."--John Lawton
_, _ ___ _, __, _, _ _, ___ _ _, _, _ _ _, __, _, _ _ ___ __,
| |\ | |_ / \ |_) |\/| / \ | | / \ |\ | | (_ |_) / \ | | |_ | )
| | \| | \ / | \ | | |~| | | \ / | \| | , ) | \ / |/\| | |~\
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~~ ~ ~
http://www.algonet.se/~sigmund/index.htm
|
