In India un columba suspectate ser un spia chinese detenite in le custodia de un hospital veterinari ha essite liberate post esser captate 8 menses retro, diceva un official de policia.

Le hospital pro animales in le area de Parel cercava permission del policia pro liberar le ave, diceva le official del station de policia RCF.

Le columba era captate in maio, anno passate in un suburbio de Pir Pau Jetty.

Le ave habeva un anello de cupro e un altere de aluminium ligate a su pede e messages in un scripto simile al chinese in le parte inferior de su alas, diceva le policia. RCF registrava alora un caso, ma post que le investigation era complete, le accusation de spionage era abandonate. Le policia trovava que le columba era usate pro participar in cursas in aquas aperte de Taiwan e in un de iste eventos illo volava foras del pais atterrante in India, diceva le official.

Le columba era liberate per le hospital post que le policia lo permitteva, addente que le condition medic del ave era alora bon.


--
Pro leger le archivos e pro modificar o cancellar le subscription:
http://listserv.icors.org/archives/interlng.html