Le nomines de Deo in le Biblia
In responsa a alcun recente questiones super le doctrina
christian, io propone a vos le capitulo 5 de un libro que
io reputa fundamental pro acclarar in forma synthetic le
contento del fide christian. Illo es: "A Summary of
Christian Doctrine", per Louis Berkhof, Edimburgh: The
Banner of Truth Trust, publicate originalmente in 1938 e
republicate plure vices. Illo representa le doctrina del
ecclesias reformate, ma su contento es condivisibile pro
le
major parte del ecclesias christian. Io intende gradualmente
traducer in Interlingua iste preciose libro.
Attention! Durante que discussiones religiose non es inter
le propositos de nostre lista de correspondentia, io pete
quicunque desidera participar a tal discussiones de facer
lo privatemente scribente me personalmente. Io poterea
adder le nomines del interessatos a un lista special le
quales reciperea automaticamente iste messages e essayos.
Gratias.
Paolo Castellina, v.d.m.
CH-7604 Borgonovo (Switzerland)
[log in to unmask]
[log in to unmask]
http://www.poboxes.com/pcastellina
(Summario del Doctrina Christian, per Louis Berkhof)
Capitulo 5
Le nomines de Deo
Quando Deo da nomines a personas o cosas, illos es nomines
que ha un significato e communica informationes in re le
natura del personas o cosas assi designate. Isto se applica
etiam al nomines que Deo se dava. Aliquando le Biblia parla
del nomine de Deo (singular), e in tal casos le termino es
un designation del manifestation de Deo in general,
specialmente in relation a Su populo (Ex. 20:7; Ps. 113:3)
o simplemente illo indica Deo ipse (Prov. 18:10; Jes.
50:10). Le nomine general de Deo se divide in plure nomines
special, le quales exprime le richessa de Su personalitate.
1. Nomines de Deo in le Vetule Testamento. Alcunes del
nomines de Deo in le Vetule Testamento denota le facto que
Deo es le Altissime e le Exaltate. 'El e 'Elohim indica que
Ille es forte e potente, e ergo que Ille debe esser temite,
durante que 'Elyon indica Su natura exaltate, le Altissimo,
ergo que Ille debe esser objecto de reverentia e de culto.
Un altere nomine que pertine a iste classe es 'Adonai,
normalmente traducite "Senior", le patron e regiente de
omne creaturas. Altere nomines, commun inter le patriarchas,
esseva le nomine Shaddai o 'El Shaddai, le qual sin dubita
emphatisa le grandor divin, ma como fonte de comforto e de
benediction pro Su populo. Illo indica que Deo controla le
potentia del natura, e los rende serviente a Su propositos.
Le nomine le plus grande de Deo, tamen, considerate
sanctissime per le Judeos, es le nomine Jehovah (o Yahweh).
Su origine e significato es indicate in Ex. 3:14,15. Illo
exprime le facto que Deo es semper le mesme, e specialmente
que Ille es immutabile in su relationes con Su populo
fundate super un alliantia, e que Ille es semper fidel in
le completion de Su promissas. Illo sovente assume un forma
plus complete in "Jehovah del armeas". Isto suggere le
imagine de Jehovah como Rege gloriose circumferite per
armeas de angelos.
2. Nomines de Deo in le Nove Testamento. Le nomines de Deo
in le Nove Testamento es simplemente le forma grec de illos
que se trova in le Antique Testamento. Le sequentes merita
particular attention:
a. Le nomine Theos. Isto es simplemente le parola grec pro
"Deo", e illo es le nomine le plus commun usate in le Nove
Testamento. Illo se trova frequentemente con un genitivo
possessive "mi Deo", "tu Deo", "nostre Deo", "vostre Deo".
In Christo Deo es le Deo de cata uno de Su filios. Le forma
individual se substitue al forma national "Deo de Israel",
assi comun in le Antique Testamento.
b. Le nomine Kyrios. Isto es le forma pro "Senior", un
nomine que es applicate non solmente a Deo, ma alsi a
Christo. Illo prende le placia sia de 'Adonai que de
Jehovah, benque su significato corresponde plus particularme
nte a illo de 'Adonai. Illo designa Deo como le patron e
governator de omne cosa, specialmente de Su populo.
c. Le nomine Patre. On dice sovente que le Nove Testamento
introduceva Patre como nove nomine de Deo. Isto, tamen, non
es correcte, proque le nomine "Patre" se trova alsi in le
Antique Testamento pro exprimer le relation special in le
qual Deo se pone con Israel (Deut. 32:6; Jes. 63:16). In le
Nove Testamento illo es plus individual, proque illo indica
Deo como Patre de omne credentes. Aliquando illo designa
Deo como creator de toto (1 Cor. 8:6; Eph. 3:14; Heb. 12:9;
Jac. 1:17), e aliquando le prime persona del Trinitate como
Patre de Christo (Joh. 14:11; 17:1).
Pro memorisar:
Passages que tracta de:
a. Nomines de Deo in general: Ex. 20:7; Ps. 8:1
b. Nomines particular: Gen. 1:1; Ex. 6:3; Ps. 86:8; Mal.
3:6; Matt. 6:9: Rev. 4:8.
Pro studio ulterior:
a. Qual lumine projecta Ex. 3:13-16 super le significato
del nomine Jehovah?
b. Qual nomines de Deo esseva commun durante le tempores
del patriarcas? (Gen. 17:1; 28:3; 35:11; 43:14; 48:3;
49:25; Ex. 6:3).
c. Pote vos dar alcun nomines descriptive de Deo? (Jes.
43:3; 15; 44:6; Am. 4:13; Lu. 1:78; 2 Cor. 1:3; 11:31; Jac.
1:17; Heb. 12:9; Rev. 1:18,17).
Questiones de revision
1. Que intende le Scriptura quando illo parla del nomine de
Deo in le singular?
2. Esque le nomines special de Deo es de origine human?
3. Qual sorta de nomines nos distingue in le Antique
Testamentyo?
4. Qual es le significato del nomines: 'Elohim, Jehovah,
'Adonai, 'El Shaddai, e Kyrios?
5. Esque le nomine "Patre" es applicate alsi in le Vetule
Testamento?
6. In qual senso differente iste nomine es usate in le Nove
Testamento?
(3, fin)
|
