Car Gibrail,
Multe gratias pro ille reconto de un incontro que eveniva
exacto un anno retro.
Il es digne de consideration a notar que un del subjectos de discussion
era "como ultrapasar iste phase inactive"...
Me sembla que le tempore ha essite paralysate (o forsan il es melior dicer
que le interlinguistas ha essite paralysate): si il ha un proxime incontro
le participantes pote ancora (o de novo) discuttar como injectar
le interlinguistas con un pauc vita.
Durante tu viages il ha a pena de movimento in INTERLNG;totes ha rendite al
indolentia.

somnolentemente
andrew

On 29/07/07, Gibrail caon <[log in to unmask]> wrote:
>
> Salutes novemente!
>
> Ante exacto un anno, in 29 de julio 2006, il ha
> evenite le 13tie INTERCON, qua es appellate le
> Incontros Brasilian pro Interlingua. Pro celebrar iste
> meraviliose incontro in le qual yo ha habite le gratia
> de haber paricipate in le capital de mi stato, yo
> reproducera partes le texto super illo, ab le
> INTERNOVAS de augusto 2006, scripte per Ramiro de
> Castro. Ecce lo:
>
> 13tie INTERCON Florianópolis-Santa Catarina. Breve
> Reporto
>
> "...Flórianópolis era le sede del Dece-Tertie INCONTRO
> BRASILIAN DE INTERLINGUA -INTERCON, que occurreva
> inter le 29 e 30 de julio 2006.
> Parte del longe viage era facite per auto e le altere
> per avion. Nos arrivava (un gruppo ab nord de Brasil)
> a Floripa -assi uno appella le capital catarinese -le
> 28 de julio vespere. Nos iva immediatemente al Hotel
> Valerim Plaza, que es in strata Felipe Schmidt 705,
> justo in le centro urban.
> Le die del Apertura, facite al excellente sala del
> centro conferential in le hotel, que era de alite
> nivello. Uno declarava le apertura official del
> programma e legeva le salutes brasilian e
> international pro le Incontro. Impression troppo
> positive era le message de Union Danese inviate
> electronicamente per nostre collega Thomas Breinstrup,
> talmente le message de Sra. Barbara Rubinstein, ex
> Svedia, Presidente de UMI.
> Tamen veniva salutes de BRasil, Hungaria, Canada,
> Nederland, SUA, Espania, Grande Britannia, Francia,
> Germania, Italia, Norvegia, Svedia, Danmark, Russia,
> etc. Nos regratia a tote le personas qui inviava a nos
> iste salutes. Isto demonstra le grande
> internationalitate del interlingua in tote le
> mundo...Como semper occurre,le participantes resta a
> hoteles proxime al centro conferential e nos es
> accostumate a facer repastos insimul, lo que se
> repeteva a Floripa. Nos semper prendeva nostre lunches
> e dinares insimul...Le passo sequente era le debatto
> aperte de como pote le UBI ultrapassar iste phase
> inactive, lo que attraheva diverse suggestiones del
> participantes...Le altere puncto toccate era le
> election per acclamation del Directorio pro le periodo
> 2006-2009. Uno faceva le Acta del Election e tote le
> presentes lo signava..."
>
> In le jorno de hodie,yo memora cum grande nostalgia
> iste magnific Incontro,nam illo me ha permittite
> practicar oralmente Interlingua, ultra me garantir un
> belle amusamento in Florianópolis, que non per
> hasardo, hic a Brasil es le urbe del "insula del
> magia". Yo spera ardentemente que un proxime Incontro
> hic pote evenir et assi,yo revivera iste gaudio.
>
> Salutes brasilian ad omnes.
>
>
>
>       Alertas do Yahoo! Mail em seu celular. Saiba mais em
> http://br.mobile.yahoo.com/mailalertas/
>
> --
> Archivos e disabonar: http://listserv.icors.org/archives/INTERLNG.html
>

--
Archivos e disabonar: http://listserv.icors.org/archives/INTERLNG.html