Hodie ego audiva un programma via le
radio que narrava del longe vita del
sardos, le population de Sardinia. Le
cosa que preoccupa le scientia es le
question si isto es lor bon maniera de
viver, bibente le aqua del fontes vicin
a lor casas, le dur travalio foras, le
cibo que illes ipse produce o forsan le
genes. In le programma on interviuava un
professor a un universitate a Sardinia
qui diceva que internationalmente le
recercatores se ha interessate del gene
4 in le spiral genetic, durante que ille
professor se interessava in le
chromosomos x e y (le quales decide del
sexo del infante).

Le plus vetere humano in UE al momento
es un sardo, io suppone que su familia
era Rau, qui ha complite 112 annos!

Le reportero, le correspondente del
radio svedese a Roma, Åke Malm dava un
pictura sonic de un incontro public de
protesto quando humanos in le etate de
50 - 60 annos protestava contra le facto
que personas in le etate de 70 o 80
annos optene le licentias de chassa in
certe areas. "Qual uso ha le vetules de
ille areas de chassa?" questionava le
protestatores rhetoricamente.... Isto
como un illustration del longevitate del
sardos.

Multo interessante in toto.

Cellus