d[990620] x[Allan Kiviaho] KivA-96K
s[No tank you!]

xxxxxxxxxxxxxx Kjell Rehnstrom 990615 xxxxxxxxxxxxxxxx
Io pensa que TANK es un bon parola international /1/.
Le carro blindate o cuirassate pote ben esser usabile,
ma io pensa que on risca un lingua multo academic ubi
le population ordinari nonobstante dicera TANK o mesmo
TANC.

xxxxxxxxxxxxxxxxxxxxxxx Allan xxxxxxxxxxxxxxxxxxxxxxxx

Kjell,
/1/ Per exemplo in Svedia e Finlandia, ubique
practicamente cata viro es un soldato active o le del
reserva (e p.ex. Finlandia habera post dece annos un
tote brigada de feminas trainate como truppos
combattante del armea) le "population ordinari" multo
ben sape que le carro de combatto es STRIDSVAGN in
svedese, nunquam TANK.
------------------------------------------------------
Un referentia amusante:
Kungliga Krigsvetenskapsakademiens Handlingar och
Tidskrift 1994 T:47-53
Torsten Andersson, Daniel Berg, Jan Johansson och
Marcus Larsson.
Stridsvagn 103 (S) - ett tank(!)löst projekt?
(Carro de combatto 103 [S] - un projecto non-
pensate?). Tank(e) es "pensamento" in svedese.
------------------------------------------------------
Le carro de combatto svedese 103 "S" era un bastardo
interessante. Le definition del NATO in italiano:
    CARRO ARMATO
    I carri armati sono veicoli corazzati da
    combattimento cingolati, del peso minimo, a
    vuoto, di 16.5 tonnellate metriche, armati
    con un cannone brandeggiabile su 360 gradi,
    di calibro minimo di 75 millimetri.
Assi secundo le definition del NATO un carro de
combatto (TANK o TANC in Uppsala) debe haber un
cannone tornante per 360 grados. Tal carros era
appellate PECIA DE ASSALTO (Ge Sturmgeschütz, An
assault gun, Stormpjäs in svedese /pronunciate
"stormpyees"/ sed "samohodnaya ustanovka" /un
apparato semovente/ in russo).
  Durante le secunde guerra mundial le armea german
developpava un vehiculo cuirassate que era construite
sur un carro de combatto normal salvo que su cannone
non era in un turre rotante sed in un casamata. Le
causa principal pro isto era le manco de cossinettos
de ballas (le industria svedese, SKF, era un grande
livrator de iste componentes multo importante al armea
german) sed iste construction etiam faceva il
possibile a facer un arma que era plus fortemente
cuirassate e habeva un cannone plus grande quam le
carros de combatto normal sur le mesme chassis.
  Tal carros de combattante sin turres era assi
appellate "pecia de assalto" e originalmente illes era
submittite in le Wehrmacht sub le artilleria. Iste
nomine es stupide proque un carro de combatto sin
turre mal se appropria como un arma de assalto proque
in assalto le inimicos pote esser al omne directiones
e un cannone in turre es multo importante. Hitler
amava tal nomines suggestive. Io ha lecte in un german
magazine militar que le nomine "Wehrgeschütz" (Pecia
de defensa) esserea plus appropriate proque le
cuirasse spisse e le cannone grande faceva iste arma
un instrumento del defensa formidabile.
  Alicun historicos militar german ha mantenite que
12 000 pecias de assalto german destrueva 60 000
carros de combatto sovietic. In omne caso le
Sturmgeschütz III (StuG III) era le componente
decisive del division cuirassate finlandese in le
ultime grande battalia material de Tali-Ihantala in
julio 1944 ubi le libertate de Finlandia (e forsan le
vita de 2 milliones finlandeses) era salvate. A iste
grande battalia participava etiam un
Sturmgeschütz-Brigade german. E le supreme commandante
del Armea de Isthmo (de Carelia) era lieutenant
general Lennart Oesch, un filio de un familia suisse,
maestros de caseo suisse!
  A proposito, mi avunculo, qui ancora vive, era un
cannonero (Richtschütze) in un Sturmgeschütz III in le
Panssaridivisioona (Division cuirassate). Le
commandante de iste division era major general Ruben
Lagus, un legendari Panzergeneral svedophone. Le
supernomine de general Lagus era "Marskin Nyrkki".
("MARSKI" veni ex le MARECHAL de Finlandia, Carl
Gustav Mannerheim e "nyrkki" = pugno).
  Durante mi servicio in le defensa territorial uno de
nostre officieros era senior lieutenant Unto Leppänen,
un multo famose cannonero de pecia de artilleria.
              ----------- o0o ------------
Sed le armea svedese non classificava su carro sin
turre, le Stridsvagn 103 (S) como un pecia de
artilleria sed como un carro de combatto proque le
ingenieros svedese habeva inventate solutiones
technic que deberea facer iste carro quasi equalmente
agile como le carros de combatto con turres. Sed io
pensa que le ingenieros non era totalmente succedite
con iste concepto.

xxxxxxxxxxxxxxxxxxxxxx Kjell xxxxxxxxxxxxxxxxxxxxxxxxx
Le carro blindate o cuirassate pote ben esser usabile,
ma io pensa que on risca un lingua multo academic /2/
ubi le population ordinari nonobstante dicera TANK o
mesmo TANC /3/.
Tancamente
Kjell

xxxxxxxxxxxxxxxxxxxxxxx Allan xxxxxxxxxxxxxxxxxxxxxxxx
/2/. Le guerra es un cosa brutal e practic e forsan
non multo "academic". Como io jam scribeva, le
population "ordinari" ben sape le terminos militar
proque le armeas europee son principalmente armeas
de reservistas. /3/ Si interlingua deveni un lingua
universal in Europa, il es importante que le terminos
militar son los official de NATO e WEU (Western
European Union) e non argotes.

Salutante

Allan