Adrian Neilson Hall wrote:
>
> Tunc, quando io scribe un message e un parola me manca, io simplicemente
> clicca al ligamine, pois al 'cerca' en 'Word' o 'IE5', e como magica - ecce
> le parola besoniate! On pote mesmo copiar e collar le parola a su messsage.
>
> Como ha io obtenite le dictionarios digital ex-linea? Isto es pro un altere
> message. Scribe s'il te place, si tu lo volerea saper.
>
Ante alcun tempore ego tentava (probava) apprender occidental, e etiam novial.
Ego tunc faceva un dictionario svedese-occidental ex le parolas que ego
trovava in le textos e usava isto. Postea ego resignava de occidental, nam il
se monstrava que on non solo debe saper occidental, sed etiam un certe typo de
occidental, e pro alcun estranie ration, forsan mi inherente mal fortuna, ego
habeva - como un mi amico lo exprime - succedite seliger le incorrecte forma
del lingua, pro mi selection del incorrecte dictionario e le incorrecte (non
linguisticalmente correcte) grammatica!

Un altere mal fortuna in le apprender de occidental era mi inveterate cerebro,
le qual tenace- e incorrectabilemente, continuantemente livrava formas in
interlingua a mi digites! Terribile! Il mesmo era lanceate theorias que ego
poterea esser un quinte columnero, un equo (cavallo) troian!

In tal instantes on facilmente perde le interesse.

Obviemente multes de nos ha camminate le mesme via.

Amicalmente