STAN MULAIK wrote:

> Io es de accordo con te, Kjell, que nos debe usar
> le energia nuclear como un parte de nostre
> fontes del energia.  Io equalmente appoia le uso de
> tote altere formas del production del energia e le
> conservation.  Totevia le problema es le immagazinization
> del guastos nuclear.  Io non crede que Russia pote
> devenir nostre reseptaculo pro le guastos nuclear.
> Mais il va haber un major fame e depopulation quando
> le fontes hydrocarbon del energia es exhauste.
> E il require le uso de energia hydrocarbon pro
> disveloppar le energia nuclear.  Nos non debe guastar
> le energia usque nos disveloppa le energia nuclear
> e de fusion.
>
> Io nota que nostre nove Presidente visita tu pais.
> Junge te in le protestationes.  Ille exige un
> lection super le opiniones del europeos super su
> politicas.

Isto occurrera in Göteborg, il dura alcun 5 horas per traino
de hic in Uppsala, e ego non es convincite que isto es bon
pro mi sanitate, proque il habera demonstrantes in Göteborg
qui sembla plus amar venir in battalia con le policia que
discuter con argumentos del cerebro, e ego non pensa que il
ha senso ir ibi.

Nostre premier sembla haber legite "Le Principe" per
Macchiavelli e ha inviate omne le organisationes que
demonstrava in Malmö a participar in un dialogo con le
ministros del Union!

Quanto a Bush, nostre medios ci dice que ille non vole
subscriber le protocollo de Tokyo in re le emissiones de
gasos de combustion. Ille essera le prime presidente qui
visita Svedia durante su officio!

Un bisarre facto es que Nixon era como presidente in Polonia
duo vices. Quando ego habitava ibi ille era in Varsovia e il
habeva un enorme turba de gente in le stratas qui voleva
spectar le presidente! A Stockholm ille non haberea potite
ir, proque il era un forte opposition contra le guerra in
Vietnam!

Ego me recorda mi stupefaction quando un persona in un cafe
me diceva (ego suppone que isto mesmo era in Gdansk!) que
"Nixon face un bon cosa qui bomba le vietnameses retro al
etate de petra! Pro le communistas nos debe dar omne le
lacte e omne nostre bicyclos al vietnameses!" Al mesme
tempore le majoritate de personas in mi ambiente in Svedia
era multo contra Nixon!

A vices le mundo es bisarre!

Cellus