Scribeva Kjell Rehnstrom
in: Re: PANSSARIVANIKKA
>Date: Sun, 10 Feb 2002 16:31:29 +0100
>
>Tu comprende que io es folle que io me gaude del facto que il ha + 5,4
>grados C e sol! E on crita: Ah le primevera! Ma in facto le nive ha
>disparite...

Car Kjell,
io legeva tu message solmente al 18:00:00 +0100 circa e assi io faceva le
proba fenestra, perque io non possede un thermometro in mi domo.
Io vadeva al fenestra e lo aperiva pro scrutar le celo e le placia.
Il non era completemente obscur, ora postea 8 minutas io pote considerar que
le obscuritate es illo del nocte.
Il non es le maximo de un vespera, forsan se levara le nebula, dicite calivo
in mi dialecto de qualque decenas de annos retro.
Le placia es comocunque ancora libere, le aer non esseva contaminate - qual
sorta de preoccupation debe nos haber ora! - e le temperatura, a mi
thermometro personal, exponite per alcun minutas al fenestra aperite, potera
esser de plus de 10 grados C. Non un assi grande differentia con Uppsala, si
tu pensa ben.
Nos es solmente al medietate del hiberno, que vole nos de plus?
Le meraviliose in iste precise momento (18:15) es le sonos de plus campanas
del ecclesias vicin a mi domo. Iste sono es sempre plus mie. Tu debe saper
que io nasceva solmente a 300 metros de ubi io habita hora, assi io ha un
reporto con iste campanas que es de vetule data. Io sape de qual ecclesia
illos es.
Ancora usque a martedi, postea le campanas facera silentio usque al Venerdi
Sancte. Io me debera contentar del Marangona, le campana major del turre
civic que io vide de un de mi fenestras a circa 800 metros "a oculo e cruce"
un expression local que vole intender que le mensura es valutate con
approximation, como pote facer uno sin instrumentos.
E a que servi le instrumentos? Io non porta plus mesmo le horologio perque
pro mi exigentias io seque le sol o le rumores del nocte e io non erra de
multo, respecto al toccos del Marangona que me signala mesmo le medie hora.
E quando io me move de mi domo? Isto al proxime vice.

Ciao,

Mario


_________________________________________________________________
Scarica GRATUITAMENTE MSN Explorer dall'indirizzo
http://explorer.msn.it/intl.asp.