[log in to unmask] [log in to unmask]
http://adam.cheshire.net/~jjbowks/home.html
~~~~~~~~~~~~~~~~~~~~~~~~~~~~~~~~~~~~~~~~~~~
Si tu ha vidite le film "Jumanji" tu ha vidite
le centro de Keene, e mi casa es a duo millias
de ille centro...
Mi humile domicilio es un appartamento al junction del stratas George e
Nord Lincoln. Le numero del appartamento es 149 del strata George.
Il ha duo altere appartamentos hic in le 149 George St. Le A es un
familia con nomine francese que habita in le mesme appartemento pro
plure de vinte cinque annos. Illos son bon vicinos. Al retro del casa de
appartamentos e sub nos, il ha un altere appartemento
ubi le grande-filio del domino del casa de appartementos vive con su
amica-nuptial.
Le casa de appartamentos 149 al strata de George es in un parte
del citate de Keene, New Hampshire, multo presidential, io dice
multo presidential proque le nomines del presidentes e reges abunda
in mi vicinitate. Per exemplo: Le nomine de mi strata es George, in
un extremitate illo face connection con le strata Washington, tunc
George Washington. Al altere extremitate con Nord Lincoln, e alsi
in le medio del collina, proque George St. es in un grande collina,
le collina es tanto grande que in le hiberno il pote esser a nivar in
mi "jarda" (ang. yard, garden) e al basso del collina il es ha pluviar
gelate. Mais in le estate il es plus fresc que al centro del citate
de Keene le qual es in le valle del fluvio Ashuelot. Como io jam
ha dicite le film "Jumanji" con Robin Williams esseva filmate al
centro de Keene. Alsi multe altere personas famose veni hic.
Le presidente Clinton ama Keene proque hic ille recipeva le nomine
de "Comeback Kid!". E il es un centro universitari, Keene State
College es un bon schola originalmente appellate un "schola
normal", illo es pro le instruction de professores. Io studiava
pro mi Master of Ed. in KSC. Hic le famose Henry David
Thoreau scribeva alcun de su literatura... e il faceva mention
del grande Montania in le Cheshire County... Mt. Monadnock.
Io ha facite le ascenso al culmine de Mt. Monadnock dece-tres
vices jam. Le ultime vice esseva un die multo clar e fresc e on
poteva vider le citate de Boston Massachussetts al distantia.
Al retro del casa de appartamentos ubi io vive con mi sposa,
nos ha un gruppo de vicinos multo silentiose, jam que omne
illac es interrate proque illo es un cementerio --trans le zona
de arbores, de alte pinos majestuose, aceres e robores. Al
altere latere del strata Nord Lincoln il ha un parco appellate
"Robin Hood Park" illo ha un grande foresta e un laco multo
pacific, il ha parve animales como scuriolos gris e "chipmunks"
e usque "racoons" --e alsi un pluritate de aves parve e grande
como le corvos nigre, o alsi le "blue-jays" e cardinales.
Nos ha multe amicos in nostre vicinitate, il ha un grande amica
de mi sposa al strata "Charles" (appellate sin dubita in honor del
rege anglese). Le amica vive solmente quasi cinque casas de hic.
E le familia in fronte e al latere de nos son bon amicos de nos.
Nostre appartamento ha duo dormitorios,
un de illos es mi camera de computator e
bibliotheca, le qual io appela le studio.
Le grande dormitorio es ubi nos sonia..
Nos alsi ha cameras de cucina e sala e banio,
Il ha un camera extra de collection
de cosas infrequentemente usate que nos
appella le "twilight zone"--illac on pote
trovar plure libros e cassas de papiros
e utensilios culinari vetule, e alsi un
"chipmunk" rabiose con le qual nos face
battalia pro le alimento de aves que nos
immagazina in le "twilight zone". Io
crede que haber un catto hic adjutarea
mi battalia contra le senior "chipmunk"
mais le domino del appartamentos non vole
que il ha cattos in su proprietate. Sed
su grande-filio ha un can, Shebah, un
rotweiler multo amicabile, si il es ver,
un can bon, e un bon sentinela alsi.
Infelicemente alcun personas usa le strata George como un
"corte-camminos" al centro del citate e durante alcun horas del
dia il ha multe autos que passa pro hic. Mais le altere tempores
il es multo pacific e silentiose le vicinitate, interrumpite de vice
a un altere vice per le voce de un puero a jocar con amicos al
culmine del collina o per le sonito de un can advertiente le
presentia de un persona estranie.
Ergo illo es mi humile, e parve appartamento e mi vicinitate...
Gratias pro leger mi description de illo e haber le cortesia de
finir le message usque le final parolas...
;-)
Amicalmente,
Jay B.
|
