Si, Paul, nos plange aqui in Atlanta, quando le temperature cade a -12 C,
como heri. Nonobstante io rememora un anno quando il faceva -22 C, e nostre
arbustos de ilice moriva supra le terra (le radices superviveva).
Fortunatemente  il face pauc nive aqui. Ancora io rememora quando il faceva
un tempesta de glacie (o pluvia congelante), e le alto de pinos accumulava
multe glacie de pluvia congelante, e le peso del glacie deveniva tanto grande,
que le truncos se rumpeva con un sono como un cannon, sequite per un forte
"tump!" quando le alto del arbore colpava le terra.  Durante le nocte del
tempesta, on audiva "tump!" .... "tump!" ........"tump" como le pinos
se rumpeva, le un post le altere.  Mais le terror esseva quando un tal
alto de pino colpava le casa.  Durante un tal tempesta, le alto de un pino
cadeva super le tecto e un ramo se penetrava  le tecto exterior e le
tecto supra le cupa de banio (un bon loco pro isto si illo debe facer,
proque tote aqua vadeva a in le cupa de banio). Mais lo que injice le
terror a in mi corde es a pensar que si illo haberea cadite 10 passos al
derecto super le couchettes superposite in le camera de mi duo filios,
le un in le alte couchetta haberea essite penetrate per le ramo!  Post
ille tempesta io ingagiava un homine a remover tote le pinos presso le
casa.
 
Stan Mulaik