Luca Ghitti wrote:

> Berlusca o Berluska significa nihil, illo es solmente un forma contrahite de
> Berlusconi. In italiano nos saepe usa iste formas de contraction, etiam con
> le nomines e nomines de familia. Iste formas pote esser de cortesia, de
> gentilessa, usate pro sympathia e como in le caso de Berluska, io pote notar
> un forte irrision. E assi le 2001.05.13 in Italia il va haber le electiones
> politic e probabilemente le nostre car Berluska va devenir le proxime prime
> ministro italian.
> Io, fortunamente non ha un longe nomine e assi io non ha formas contrahite!
> (in italiano). Alicunos vole probar!(...)

In facto il pote occurrer con le surnomines svedese que on face simile cambios.
In principio le uso de solo le surnomine era un tradition militar e scholar,
durante que feminas sovente usava le prenomines. Il existe etiam in Svedia le
uso de diminutivos, ma le majoritate de gente suppone que isto es nomines
abbreviate, nicknames, sin un ver relation al nomine original, lo que
nonobstante es le caso, ma le systema sembla non esser tanto developpate como
il me sembla esser in italiano (post observationes enormemente superficial!)

> Un del prime regulas que le parve alumnos italian apprende es que le
> alphabeto italian ha "solmente" 21 litteras. Le litteras. j, k, w, x, y son
> considerate estranie. Le uso del parola _chilo_ in vice de _kilo_ es pro
> iste motivo: de regula phonetic e orthographic.(...) Ki usa la kappa? Chi usa
> la cappa?
> Qui usa le ka?

On non debe oblidar le effecto exotic. Ci ubi on generalmente usa le k le c ha
apprendite un tal nimbo de exoticitate. Como del resto etiam q, w e z, o pro
non oblidar le h post-vocal (como in Rehnström!)

Amicalmente
Cellus Purfluvius

(Ego ha venita al conclusion que isto debe esser le juste latinisation de mi
nomine).