Biologos argue que evolution es illustrate in le maniera in que le
bacteria evolve le resistentia a certe antibioticos.  Le idea es
que un specie de bacteria ha un varietate de membros in lor
populationes con un variation in lor constitutiones genetic.
Alcun del individual membros ha genes que determinar le maniera
in que illes functiona in lor ambientes que les face vulnerabile
a certe antibioticos.  De facto, possibilemente un majoritate del
individuos in un population de un specie de bacteria ha tal genes,
e illes es occidite per le antibiotico.  Mais il equalmente ha
in iste populationes individuos qui ha differente genes que face
possibile le resistentia al antibiotico. E quando illos resta post
tote le altere individuos ha essite occidite per le antibiotico,
illes prolificar se e multiplicar lor numeros. Alora quando illes
es le dominante racia, illes continua a facer le maladie como antea,
mais illes es resistente al antibiotico.

Microbiologos ha studiate le mechanismos genetic que controla le
disveloppamento de certe enzymas in bacteria.  Illes comprende in
connexion con certe specie de bacteria le detalios del maniera in
que le resistentia functiona, e como le genes ha controlate aquelle
resistentia. Assi il non ha multe speculation super le mechanismo
del resistentia e como le specie ha evolvite a posseder in su
population un majoritate de individuos qui es resistente al
antibiotico, como un resultato del cambio in lor ambientes per
introducer in illos le antibiotico.

Ora il non es juste a dicer que isto non es un illustration del
evolution, proque un 'nove specie' non ha essite create. "On non
vide le bacteria mutar se in elephantos!", p.e..

Mais le evolution super le magnitude de disveloppar un elephanto
de un protozoan occurre multo lentemente. Isto ha requirite
milliones de annos pro producer lo.  Mais nos pote vider in
tote formas de vita le maniera in que le selection natural
cambia le distribution del information genetic in le ADN del
individuos de iste populationes de un specie. Le evolution
concerne le cambio in le information genetic de populationes
de organismos que interprolifica.  E illo concerne como nove
specie resulta quando le genes que controla le reproduction
se cambia sufficientemente tal que tal individuos non pote
interprolifica con altere membros del population. E si illes
ha certe genes que equalmente differe de illos in le gruppo
con que illes non pote interprolifica, illes va devenir un
nove specie.

Mais bacteria es multo inusual.  Illes pote excambiar lor
DNA con altere specie de bacteria.  Assi quando un specie
disveloppa le resistentia a un antibiotico, iste resistentia
pote esser transferite a un altere specie per tal excambios.
Isto es proque medicos es hora anxie que le bacteria
evolve plus rapidemente in lor resistentia a antibioticos
que le pharmacistas pote producer nove formas de antibioticos.
Al presente il ha solmente un parve numero de antibioticos
que resta a que certe racias de species de bacteria que
causa le maladias non es resistente.  E quando tote le
species disveloppa le resistentia a tote nostre antibioticos,
nos va perder nostre chef arma contra maladias infectiose.

Isto es evolution! Mais solmente un parve exemplo de illo.

Cordialmente,

Stan Mulaik