On Fri, 14 Aug 2009 10:44:20 +0200, Erik Enfors <[log in to unmask]> wrote:

>Io sempre ha amate le musica del musicos jazz Django Reinhardt e Stehano 
>Grapelli qui probabilemente es hungare, nonne? Il me pare que il ha 
>similaritates inter vostre musica e lor musica ma io non es un experto de 
>musica.

Nulle de iste duo es de origine hungare! Ambes es tsiganos, ma tsiganos non
pote haber lor origine solmente de Hungaria. P. ex. Reinhardt nasceva in
Belgica in un familia tsigan typicamente vivente como migrantes constante in
Francia. Ille tsiganos se nomina non roma como le plus del tsiganos
hungarian, ma manoush (que significa in lor lingua: "homine, viro"), o sinti
(sinto-s; como le majoritate del tsiganos in Germania se appella). Dunque le
origine de su familia non es de Hungaria.

Anque Stephano Grapelli es tsigano, ma de parentes migrante italian.

Il me pare, que de novo on incontra le caso ci, que on confunde le hungaros
con le tsiganos. Ma le duo populos ha differente origine e loco de origine.
E le tsiganos non es le plus in Hungaria, p. ex. plus de tsiganos vive in
Romania.

Anque multes confunde le musica folkloric hungare (que nos sona) con le
musica tsigan hungare, que se audi(va) in restaurantes e caffés per bandas
professional. Ma sin voler involver me troppo in iste question ci, iste duo
sortas del musica non es equal (ben que le un habeva le effecto al altere e
il ha tractos commun, parallel, etc.). Le tsiganos mesme ha lor folklore
differente de iste bandas tsigan del restaurantes / caffés. Il es ver, que
ultra le musica urban del restaurantes / caffés le plus sovente anque le
musicos tsigan conservava le musica folkloric _instrumental_ del hungaros,
ma non illes inventava le melodias, illes los solmente sonava pro le
hungaros in festas de maritage de hungaros e simile occasiones.

Péter
(musico hungare, ma non tsigan...)

--
Archivos e disabonar: http://listserv.icors.org/archives/INTERLNG.html