Como le gecko se adhere al muros e le tectos.

Le gecko es un parve lacerta que ha le remarcabile
characteristica de esser capace de adherer se al
muros e le tectos sin ventosas (cuppettas de suction)
o substantias adhesive. Con pedes sic, que es isto
possibile?

Secundo un articulo in Science News del 31 de augusto
le scientistas ha finalmente descoperite le base
molecular pro iste capacitate.  Le base del pedes del
gecko es coperite con billiones de quasi microscopic
punctos de pilo, cognoscite per le nomine de
'spatulas'.  In un articulo in le Proceedings of the
National Academy of Sciences del 27 de augusto 2002
scientistas reportava que illes ha trovate que le
cambios temporari de electrones inter le moleculas
del spatulas e le roccas, muros o tectos opponente,
crea fortias adhesive de van der Waals. Le fortias
van der Waals es fortias attractive que age super
atomas e moleculas neutre e que resulta del
polarization electric producite in cata particula
per le presentia de altere particulas.


Le action collective de billiones de interactiones
molecular crea le fortias attractive de van der
Waals que adhere le gecko a roccas, muros e tectos.

Previe a isto le scientistas esseva secur que
le fortias de attraction usate per le gecko esseva
molecular, mais illes non sapeva si illos esseva
le fortias de adhesion de aqua o le fortias van der
Waals.  Le fortias de adhesion de aqua functiona
solmente super superfacies a que le aqua se adhere.

Le nove studio monstra, totevia, que geckos se
adhere a superfacies que attrahe le aqua tanto ben
como superfacies que repelle le aqua.  Isto elimina
le possibilitate que le principio es basate super
le fortias de adhesion de aqua.

Il es le grandor parve e le densitate alte del
spatulas, in loco de lor composition chimic,
que face le gecko capace de adherer se a cosas
tanto ben.

Le spatulas del pede del gecko es facite del
keratina, que es le proteina in le pilos human.
Quando scientistas fabricava spatulas de o le
gumma de silicon o de polyester cata material
se adhereva a cosas tanto ben como le spatulas
de keratina.

Le scientistas dice que le spatulas del gecko
insenia nos que per finder un superfacie a in
numerose parve punctos, nos pote obtenir le
adhesion sic.

Assi un forte adhesion pote resultar de lo que
es fortias debile.

Iste discoperta ha valor pro le creation de un
nove forma de adhesivo que non require liquidos
adhesive.  Le problema con istos es que un
bon adhesivo debe adherer se ben e esser capace
de un rapide disadhesion.  Secundo un scientista,
crear un adhesivo que adherer se fortemente non
es difficile.  Remover lo e usar lo de novo
es un problema difficile, e le gecko ha solvite
lo.