> Io pensa que un bandiera de Interlingua esserea un
> adjuta pro promover nostre lingua in travlang.com,
> nonne?
> Allan
>

Non, Allan, io non crede que Interlingua per se
necessita un bandiera. Que le UMI ha un bandiera
e que illo es usate pro representar le uso del lingua
isto es un altere cosa. Si le governo in Finlandia
cambia. E illo deveni un nation neo-nazista e le
bandiera cambia con un fundo nigre e un circulo
blanc con un cruce blau, esque isto devenirea
un nove symbolo pro le lingua finesse? Io trova
isto un poc disconcertante. Qual dominio ha
le bandiera de Espania pro representar tote le
parlatores del lingua espaniol. Esque non omne
le paises que luctava pro lor independentia
de Espania ha le derecto de usar su proprie
bandieras como symbolos del lingua? Esque
le lingua esserea un methodo de continuar le
oppression del colonisation. Non, io non
pote acceptar que un drappo de colores
ha le derecto de symbolisar le parolas
libere de qualque persona. Interlingua non
es un union. Le Union Mundial pro Interlingua
al altere mano si lo es. Illo ha su statutos e
su regulas de union e illo ha le derecto de
haber un symbolo pro illo. Que iste symbolo
se extende al uso del lingua es un cosa
collateral. In mi opinion.

Que le linguas del minoritates es representate
pro medio del bandieras traditional a ille
regiones es un reflexion de su senso de
identitate, pro multos illo es un senso de
"nationalismo". In special con alcu gruppos
inter le paises del union europee que vole
ser autonome del governamentos national
sub le qual illes existe, per exemplo le
Pais Basc, Catalunya, Occitania, etc.
Le linguas deveni un expression de su
nationalismo.

Le Interlingua es un lingua "inter"-national.
Illo es pro le communication sin frontieras
(e sin bandieras).

Haber un bandiera pro le UMI, illo basta
in mi opinion. Nos non debe confunder le
lingua con un movimento o un organisation
exclusive. Interlingua es libere!

Amicalmente,
Jay B.