On 5/9/07, Martijn Dekker <[log in to unmask]> wrote:
>
> (2) Attachamentos:
>
> Ante alcun annos io ha impedite le inviar de attachamentos via iste
> lista pro duo rationes major:
>
> (a) le attachamentos porta le risco de distribution de viruses computatorial, e
>
> (b) illos pote esser multo grande, supercargante le cassas e-postal
> del membros, e causante que le discargar de lor posta sia multo
> lente. Isto es specialmente un problema con attachamentos que non es
> interessante a tote le membros, e in le practica, le majoritate non
> es interessante a totes.
>
> Pro iste rationes, le diffusion de attachamentos via listas de
> correspondentia es generalmente considerate como un mal idea.
Car Martijn,
Io concorda con te super isto. Liberar irrestrictemente le archivos
([en] "files") atachate/anexe causarea multe disturbios disnecessari.
>
> Le rationes contra permitter le attachamentos me pare plus forte,
> proque illos pote causar real incommoditate e mesmo damnos al membros
> del lista. Ma io poterea facer un "situla de files" in-linea, un
> pagina web, possibilemente protegite con un contrasigno, ubi membros
> del lista pote cargar lor files e le alteres pote discargar los. Que
> pensa vos de iste idea?
>
Io pensa que isto es un idea excelente :). Mi unic puncto de
observation es que il non es necesse proteger le archivos ([en]
"files") con un contrasigno, proque, si ilos es publicate a totes,
ilos es public per definition. Ultra isto, le membros minus "intime"
del computator poterea haber dificultate con discargar/recuperar ([en]
"retrieve") archivos si un contrasigno es requirite. Como le archivos
non es ultra-secrete, io crede que iste protection pro discarga non es
necessari.
Como esserea le detalios tecnic pro cargar ([en] "upload") un archivo
al nostre futur sito de archivos comun? On deberea enviar te le
archivo per e-mail pro tu cargar lo, o il essera possibile al personas
cargar lo al sito directemente?
Archivatemente,
Antonielly Garcia Rodrigues
--
Archivos e disabonar: http://listserv.icors.org/archives/INTERLNG.html
|
