----- Original Message -----
From: Ingvar Stenström
To: iaconf03
Sent: Thursday, February 06, 2003 1:46 AM
Subject: Subventiones a juvene participantes
Car amicos,
1. Participa in le 16-e Conferentia International de Interlingua
in Lovetch, Bulgaria! Vide www.interlingua.com !
Adhere per un communication a Milen Shopov.
2. Adjuta juvene interlinguistas active qui non ha le ressources
financiari!
Ante plure Conferentias international un svedese, Valter Ahlstedt,
95 ha donate un grande summa, 10000 SEK, i.e. circa 1080 euros
pro le participation de active interlinguistas, preferibilemente juvenes
qui habita in paises con conditiones financiari difficile. Plure altere
donatores como Piet Cleij, Leland Yeager, Thomas e Christina
Breinstrup e Jan Årmann e le vendita de ancian libros interlinguistic
etiam contribueva fortemente al cassa del Fundo pro Europa Oriental.
Il es assatis improbabile que le moneta colligibile ante le Conferentia
in Bulgaria 2003 poterea sufficer pro totes qui se interessa seriosemente,
Solmente in Bulgaria nos jam ha 20 studentes-candidatos,
e in addition plure romanianos, alcun russos e ukraineses e forsan duo
lituanos ha meritate un subvention.
Pro isto nos pete que interlinguistas qui ha le possibilate de facer un
donation al cassa del FEO transfere un summa al conto del Secr.
general Piet Cleij.
3- Qui pote reciper un subvention?
Il es importante sublinear que nos sempre ha habite conditiones
o criterios pro assignar un tal subvention a un candidato, qui ha
ha difficultates financiari de participar.
1. Le candidato debe haber facite alque pro le diffusion de Interlingua
in su pais ante le Conf. (Presentar un discurso al Conf. non es
obligatori, ma solmente un maniera de demonstrar su habilitate de
scriber e parlar le lingua.)
2. Ille/illa debe haber un certe capabilitate de comprender e parlar ia.
(Le candidatos ha nunc quatro menses a lor disposition pro isto.
Que illes comencia immediatemente!)
3. Ille/illa debe promitter a laborar pro ia in le futuro.
Contacta me sub le adresse electronic [log in to unmask] !
Salutes amical,
Ingvar
Financiarimente preoccupate iste vespere...
Ingvar Stenström
Vegagatan 12
S-432 36 VARBERG, Svedia
Tel. +46-/0/340-15053
[log in to unmask]
[log in to unmask]
[log in to unmask]
www.interlingua.com
www.interlingua.nu
|
