Pro le 1me vice un grande avion de passageros transversava le Atlantico usante solo de facto oleo pro cocer. Un Boeing 787 faceva le viage historic recentemente inter le aeroportos Heathrow in London e JFK in New York. Isto esseva un volo de test, que partiva del sud e arrivava in New York. Le regulamentos actual permitte que le contento del tanks del avion contine usque 50% oleo eco-combustibile. Recento on testava si iste proportion pote esser augmentate in un modo secur. Le combustibiles SAF consiste principalmente de oleo de cocer usate e productos vegetal. Le uso de istos non require motores special o modificationes del avion. Holly Boyd-Boland, vice-presidente de disveloppamento corporative de Virgin Atlantic diceva: “Isto non es emissiones zero, ma illo certo monstra que il ha un grande opportunitate pro nos reducer significantemente le emissiones de carbon in le aviation.” SAF es actualmente producite solo in parve quantitates e costa 3 a 5 vices plus que le combustibile de jet conventional. 88 % del mixtura del combustibile usate in le volos de Virgin es HEFA (esteres hydrogenate e acidos grasse), facite de usate oleo de cocer, que le governamento britannic restringera tosto a esser usate como combustibile de jet, proque illo crede que illo debe esser convertite in combustibile pro autos e camiones.


--
Pro leger le archivos e pro modificar o cancellar le subscription:
http://listserv.icors.org/archives/interlng.html