LE DIVERGENTIAS DEMOGRAPHIC INTER EUROPA E LE STATOS UNITE.

Secundo un articulo in le _Economist_ del 24-30 augusto 2002,
le populationes del Statos Unite e de Europa diverge
demographicamente, e va continuar a diverger.

Desde 1950 le nationes de Europa e le Statos Unite ha essite
reguardate como similar economicamente e demographicamente.
Ambes es nationes ric.  In iste periodo illes ha habite
populationes stabile, decrescente o basse fertilitate,
crescente numeros de veteres.

Post 1980 isto ha cambiate.  Initialmente le cambio esseva
lente, mais continue. Alora in 2000 le censo in le Statos
Unite monstrava que le population del Statos Unite se eleva
multo plus rapidemente que in le nationes de Europa.  Le
rata de fertilitate se eleva.  Le immigration al Statos Unite
es plus grande que le immigration a Europa.  E le population
immigrante del Statos Unite se reproduce plus rapidemente
que americanos native.  Le population de America tosto va
esser multo plus juvene que le population del nationes de
Europa.

Si nihil interferi con iste tendentias, in 2040 le Statos
Unite va posseder un population plus grande que in Europa.
E le composition demographic del Statos Unite essera multo
differente que aquello de Europa.

In 1950, secundo le Economista, le population de Europa
esseva duo vices le population del Statos Unite, 304 milliones
verso 152 milliones.  E le rata de fertilitate in le Statos
Unite habeva diminuite se a 1.8, que es minus que le valor
de 2.1 necesse pro reproducer le population.  Mais post
1990 le rata de fertilitate ha crescite a justo un poco
minus que 2.1.  In le mesme periodo le fertilitate in
Europa ha diminuite se de 1.8 a circa 1.3 in 2000.

E le crescimento de fertilitate in le Statos Unite non
esseva limitate a un sol classe, ben que il es ver que
le immigrantes habeva le plus grande rata.

Secundo le censo de 1990, le population del Statos Unite
deberea posseder un population de 275 milliones in 2000.  In
veritate in 2000 le population del Statos Unite esseva 281
milliones.  In iste periodo le rata de immigration esseva
plus grande que predicte.

In 2040 le population del Statos Unite va superar le
population de Europa.  De facto alcun projectiones
predice que le population del Statos Unite va superar
le population de Europa in 2030.  In 2050 le population
de Europa va esser 360 milliones e decrescente.  Le
population del Statos Unite va esser 550 milliones e
crescente.

Isto suggere un avantage economic al Statos Unite proque
illo va haber plus obreros juvene pro sustener le
economia.  Illo va posseder un plus grande mercato.

Multo del immigration al Statos Unite veni de America
Latin.  In 2050 le etate medie va esser 36.2 in le
Statos Unite.  Mais in Europa le etate medie va esser
52.7.  Isto representa un major differentia.

Le Statos Unite va posseder problemas con su crescente
population.  Illo deberea expender plus pro le scholas.

Mais in Europa le ratio de dependentia o le numero de
infantes e veteres per obrero es 47%.  Mais le numero
de veteres per obrero essera plus grande in Europa que in
le Statos Unite in 2050.  Alora le numero de personas
de plus que 65 annos de etate va equalar 60% del
numero de obreros in le fortia labor.  In le Statos
Unite illo essera solmente 40%.  Assi le Europa va
haber un plus grande onore de appoiar le veteres
con un plus parve population de obreros, durante que
in le Statos Unite le principal onore essera le
costos de educar le juvenes.

-Stanley Mulaik